حبيتها غصب عني..... الجزء الثاني

الجزء الثاني

الحين مرت ثلاثة أسابيع على غياب هزاع,ونوف مستانسة من الخاطر لأن هزاع بيرجع البلاد بعد إسبوع ولأن ما باقي على عرسها غير أربع شهور وهذا السبب إللي مخلنها تروح دبي وأبوظبي كل خميس وجمعة عسب تتسوق حق العرس, حتى ريم وسارة هذي حالتهم يروحنون دبي و أبوظبي عسب يتجهزون حق عرس نوف.

ويوم الخميس كانوا البنات قاعدين في بيت نوف يسولفون عن العرس وعن التجهيزات إللي باقيه لهم.

ريم: نوف حبيبتي وين بتفصلين فستانج.
نوف: أنا موصية على الفستان من لبنان وأمس طرشت لهم القياسات بالفاكس.
سارة: أما أنا وريم بنفصل عند نيكولاس جبران.
نوف: والمكياج وين بتسوونه.
ريم: بعدنا ما قررنا.
سارة: شو رايج نسويه بصالون مورا.
ريم: خلاص المكياج راح يكون عند مورا وانتي يا نوف.
نوف: أنا بحجز عند دولا.
ريم: والله وناسه ما باقي على الجامعة وتخلص غير ثلا ث شهور وانت عرسج بكون إنشاء الله في شهر سبعه.
سارة: حتى أنا مستانسه وايد عسب عرس نوف.
نوف: عيل أنا شو أقول أنا بموت من الوناسه الأسبوع الياي هزاع بيرجع إنشاء الله من السفر.
ريم + نوف: الله يرجعه بالسلامه.
نوف: فديته والله كل يوم بالليل يدق لي عسب ما أحاتيه, إلا بغيت أسألكم شخبار عالية ومنى.
ريم: يسلمون عليج, وهم دايما يتخبرونا عنج.
سارة: لكن في هذي الفترة هم مشغولين بالدراسة لأن الامتحانات قربت وانتي تعرفين إنها أخر سنة لهم.
نوف: الله يوفجهم.

وهم قاعدين يسولفون دخلت عليهم أم طارق .

أم طارق: يلا بنات العشا زاهب.
سارة: ليش كلفتي على عمرج خالوه.
أم طارق: شو هذا الكلام يا بنتي أنتوا شرات بناتي وأكثر.
ريم: فديتج خالوه والله إن غلاتج من غلات الوالده.
أم طارق : الله يخليها لج.
ريم: ويخليج لنا إنشاء الله.
نوف: تراني بديت أغار.
أم طارق: ( وهي تضحك ) شو هذا الكلام.
نوف: كنت أمزح والله إني أحبهم وايد.
ريم: حتى إحنا نحبج.
أم طارق: يلا بنات قوموا تعشوا قبل لا يبرد العشا.
البنات: إنشاء الله.

وطلعو البنات عسب يتعشون لكن ريم رجعت الحجرة لأنها كانت تبي تتصل في أمها تخبرها إنها بتتعشى عند نوف ربيعتها, وبعد ما كلمت ريم أمها كانت يايه تبي تطلع لكن حد فتح الباب فجأة ودخل.

طارق: نوفو أنا كم مرة قلت لج ………….
ريم:…………
طارق: أسف والله ما كنت أعرف إن في حد عند نوف.
ريم: لا عادي ما صار شي .

وطلع طارق وهو متلوم إنه دخل فجأة على البنيه وقعد يتحلف لنوف لأنها ما خبرته إن في حد عندها, أما ريم فما قدرت تطلع وقعدت شوي لأنها صدج كانت متفشله من الموقف إللي صار لها.

نوف: وينها ريم تأخرت.
ريم: ( وهي داخله عليهم ) أسفة لأني تأخرت عليكم.
سارة: وين كنتي إحنا من متى ننتظرج.
ريم: كنت أكلم أمي أقول لها إني بتأخر شوي.
سارة: ذكرتيني ما كلمت أمي.
نوف: عادي ما بتقول شي خالتي أنا بكلمها بعد العشا.
ريم: عيل وين خالتي ما أشوفها.
نوف: قالت بتروح ترقد لأنها شوي تعبانه.
ريم: سلامتها.
سارة: يلا خلونا ناكل أنا يوعانه.
ريم: وأنتي دومج يوعانه.

وقعدوا كلهم ياكلون ويضحكون على سوالف سارة إللي ما تخلص.

**************************
__________________

يسلمو يا غاليه قصه رهيبه وابداع ارهب منج

مشكور على هذه المشاركة الطيبة.

اللله يخليج اختي جيرل تسلمين هذا من ذوقج.تسلمون حبايبي عالمرور...........

يسلمــــــــــــــــــــــــــــــــــــــــــــــ ـــــــــــــــــــــــوو اختي عالقصه الرائعه