قصيدة اعجبتني ولم تعجبني والخيار لكم في الإعجاب او عدم الإعجاب

قصيدة اعجبتني ولا اعجبتني والخيار لكم

وش رايكم

وش نفعنا فعل أبوك وفعل جدي @ وش عطانا كل تاريخ القبيله
السوالف ماتجيب ولا تودي @ والزمن أصبح نهاره مثل ليله
ناظر الدنيا وتفهم ويش قصدي @ وين جدك وين هذاك الدليله
ماتذوق العز والحال متردي @ لو تشوف الخير ماتقدر تجيله
علمونا نارد الموت ونعدي @ مادروا وش صار بياع البليله
علمونا ننزل وبكره نشدي @ والديار اليوم بصكوك الفضيله
علمونا نكرم الضيف المعدي @ لاجل يذكرنا ويمدحنا قبيله
أكرمه لو كان يصلخ كل جلدي @ ما اتعذر لو ما باليد حيله
كرهونا بالتجاره والمكدي @ لو شريت وبعت ضيعت الجميله
والصناعه ماتخص عيال نجدي @ لو تجي صناع ياكبر الفشيله
والمراجل تنوخذ صبح وهجدي @ مادروا وش صار بياع البليله
والدراسه ماوراها خير يبدي @ من درس ضيع حلاله عزتي له
ضيعونا والزمن كله تحدي @ كيف ناكل عيش بعلوم جزيله
كيف يارث جنب بيت الله هندي @ يوم ورثك نخلتين بالمسيله
شيخنا يبلش على تعيين جندي @ ينطل بوجهه ملف جا يشيله
والموظف هيثم بن عماد سندي @ يطرد الشايب ويلعن سلسفيله
وان درى انه كان فارس مايصدي @ شبت النيران بقلوبٍ غليله
والسبايب ذبح خاله نقشبندي @ ينتقم من فعل ربعك في وهيله
حنشلٍ من جوعهم محدٍ يعدي @ خال هيثم حج وجدك محتسيله
من يروح للحجاز يقول بعدي @ العيال وداعة المولى دخيله
يفخرون بكسب حجاج وعبندي @ وكسبنا منهم ذنوب وحنظليله
عاد تدري ليه أنا بيحت سدي؟؟؟ @ لا وظيفه لا فلوس ولا حاليله


للأسف ما ادري منهو راعيها علشان نكتب اسمه

خل نكتب

نقلت بواسطة

ذيب نجد


عه

السؤال هني اخوي ذيب نجد شو اللي ما عجبك فيها صراحتها والا شو بالضبط ؟ الشاعر صح لسانه نقل واقعنا المر ،،

على اي حال يعطيك العافيه ياخوي وتسلم يمينك ويمين الشاعر

انا ما انكر اخوي ان هذا واقعنا الحالي

بس اخوي بسئلك سؤال وجاوبني عليه بصراحة

وش فايدة الفلوس بدون علم غانم واسم طيب وسمعة معروفة واخلاق عالية

الفلوس يااخي ماهي كل شي في هالدنيا وماودي اطلول عليك بالكلام بس ابيك

ترجع للجريدة الرياض العدد حق امس الاحد 16 /1/1425 هـ

واقر المقابلة حقت حاتم الطائي اللي موجود حالياً في حائل وش سمعته وش صارت وهو ما عنده فلوس ولا عنده رزق وعند فوق 20ولد وكلهم مبسوطين من عيشة ابوه وعند حرمتين....

وكل حياته وهبها لأطعام الضيوف واستقبالهم وهو ما عنده ما يوكل به عياله ...

مادر ي ويش اقولك ولكن الناس اجناس
ممكن ما اعجبتك ولكن اعجبت غيرك
اشكرك
وتقبل تحياتي