مهم للشباب ماذا بعد الزواج

هلا شباب وشابات منطفين ومنطفيات حبيت اشارك في قصه واحد من الشباب اسمه عليانيمكن اللي ما توهق في الزواج يستفيد عليانشاب عادي من شباب اليومين هذي (احلى ياللي منت منهم)كان همه الوضيفه وتوضف وبدى فكره يشطح للي ما بعد الوضيفه الزواج طبعا وبدت الفكره تراوده(تراوده والله مدري من وين جت هالكلمه) المهم قعد الاخ يحلم احلام ورديه(حتى الاحلام صارت الوان الله يذكرايام جدك كانت احلامهم ابيض واسود)اقولكم شي خليه يقولكم قصته.........هلا شبابانا اخوكم عليان قدر الله علي ونويت اتزوج (قدر الله علي سامعها اليوم في المسجد) ورحت خطبت من ناس يعرفهم ابوي وتمت الخطبه على خير وحددنا موعد الزواج في العطله تكون البنت خلصت شهاده البقر تيوس( البكليريوس لا تفشلنا قايلكم دلخ) واثناء فتره الخطوبه كنت انردد عليهم واحاول اشوفها واقعد معها زي ما يسوون اللي برى بس عمي اللي هو ابوها كان محجرلي من قلب ومره من المراريت مريتهم ما كان في عندهم احد مره(انفقت مرارتي من هالجمله) عاد كنت كاشخ هذاك اليوم الثوب عنابي والجزمه ( قل الله يكرمكم)لونها اصفر والجاكيت اخضر مخطط في بني ( شجره مهو جاكيت ) والشماغ ما يحتاج منيل (هههههه تذكرني الوانك بعلم دوله افريقيه مدري شسمها) دقيت الباب كان ترد علي هي ( ترى اسمها منال مايبي يعلمنا ) قالت مين على الباب قلت انا عليانقالت يؤ .... عليان مافي احد في البيت ابوي مو هنا قلت احسنهذا المطلوب ( خربها الدلخ)قالت شقصدك ؟ قلت انا جاي ودي اشوفك قالت ما كفاك شوفتي يوم تخطبني قلت وانا وش ضيعني غير ذيك النضره تكفين ارحميني اعطفي علي بس نضره تكفين وترى تكفى تهز الرجال(يسولف مع خويه هالخبل مو مع خطيبته هههه) نضره ترد الروح(ام الاسلوب مدري شيبي ) المهم كان تلين البنت (شقليط مهي بنت )_ترى شقليط تدليع للشوكلاته_وقالت شف افتح الباب بس لا تدخل نضره وبس قلت موافق وكان تفت حالباب
ويوم شفتها ضاعت علومي وسعابيلي قامت تقاطر (شايف اكل مو بنت)وارتبش ومن ربشتي امد يدي على مخباتي واطلع الرقم كنت مجهزه على شان ارقم واعطيها الرقم(الحمد لله والشكر يرقم خطيبته)كان تقول وش ذا قلت لا هذا رقمي اخافك تنسينه (ههههها عاش مصرف والله من الدلاخه اللي فيك) وكان تناضر لكشختي وكان تضحك وتصك الباب المشكله يوم يصكت الباب اشطفت خشتي ولا هذي سياره عمي جايه (ابلش تنشب) كان اعلمها ان عمي وصل وانا اصرف كاني توني واصل وادق الباب وصل ابوها ياخبث هالادمي ما عنده تفاهم يطقها في وجهك كاش من الجلافه كان يقولي هلا عليان ما تشوف موتري مهو فيه ليه تدق الباب وانا اضيع والربشه ما يمداها تخلص وجى هذا واعماها وكان اقول لا بس انا جيت اعزمك على العشى (اموت واعرف من وين يجيب هالتصاريف الخبل وهق نفسه بذبيحه)قال ايه خلاص انشاء الله امركم اليوم افلط عليان حياك (ايه فيها ذبيحه هههها) قلت لا ابي امر الجماعه اعزمهم وكان ادق سلف وامشي اخوكم مفلس وتورط ايش اسوي شسوي شو بسوي ( اقول لا يكثر ) وبعد تفكير عميق (احلى يانشيد)قررت اني اتسلف (ما ذبحنا الا قراراتك هذي )من خويي مناحي انا اخبره توه مستلم راتبه ماله يومين وكان احضر عنده ( احضر عسكري الاخ ) سلام مناحي هلا هلا الله انتحيه ارحبو قلت اسمع خل عنك هالسوالف ولا يكثراخوك تورط في عشى وابي فلوس اشري ذبيحه ويوم وجهه قعد يعطي الوان وقال هاه وفهى (فهى اي فتح فمه)وقال يعني انت تبي سلف قلت وشرايك يعني شبي جاي اتبارك في شوفتك اخلص ولا تعذر لي لان السالفه كذا كذا كذا وابيك تكون انت الضيف لان جما عتنا ما يعرفونك وكان تجيه مزارق الطيب ويزرق ويدفني بخمسميه ريال (يدفني اقول وين المكافحه عنك)المهم الولد فتح كشرته وكان يقول يعني انا الضيف ( ما عمره احد عزمه ) قلت ايه ولا تفشلنا المهم صار العشى هاك اليل ومناحي استلموه الجماعه كل يوم عند واحد عشاه ومهم عارفين شطبخهنرجع لسالفه خطيبتي صرنا نتكلم مع بعض على الجوال وبديت اتغير كنت اسمع لبشير وفهد السعيد والاحسائي صرت اسمع لام كلثوم وعبد الحليم ( انا داري ماتفهم عليهم ) بس الغريبه ان اغانيهم تنوم (قايلكم) المهم استمرينا على ازين حال لين جى (جى = اتى للناطقين بغير لهجتنا ) وقت الزواج(يارب سترك)وفي ليل العرس(يذكرني في ليل التجافي هههههه) وبعد ما انتهت الحفله ودخلت انا والعروس في غرفه النوم وسكرنا الباب ( ابو الشباب اخلص لا اشفرك) شوي يوم قعدت تبكي البنت قلت لها ليه تبكينوهي تزيد في بكاها (يالخبل تبكي على اللي بتسويه فيك تبكي راحمه حالك يالضعيف وكل ما تعاطفت معها تزود في البكى تقول في نفسها مسكين ما يستاهل هههه)قلت لها اكيد تبكين على اهلك بس هذي سنه الحياهامي وامك كلهم تركو اهلهموتزوجو وكونو اسره (من زين اسرتك انت ووجهك هههههههه مدري من وين يجيب هالكلام) يوم هدت البنت شوي ولا جاي العشى الخاص في المعاريس قلت يالله ناكل قالت ماني مشتهيه (بدى النكد الله يكون في عونك)قلت والله ان ما كليتي ما راح اكل (يالضعيف من اي مسلسل جايب هالكلام ) قالت عليان اقولك مالي نفس لا تجبرني على شي ما ابيه (بدت الاوامر وتوهق الخبل شلون يبي ياكل)المهم كان يشيل العشى وهو متضايق ويوديه المطبخ (يالرخمه ليه ماهي تشيله) وكان ادب في الاكل هناك ويوم جعت ولا هي نا يمه صحيتها منال منال كان تقول يوه شفيك من اليوم مانمت من الضهر وانا في المشغلالى بعد العشاء (يسوون حفريه شارع ما يجهزون عروس والله ما اشغلنا الا المشاغل) وتعبانه وودي انام لا تزعجني كان يضيق فيني المكان واروح للمجلس واخلي لها الغرفه وطول اليل وانا اهوجس (قايلكم رخمه لو للحين تسمع الاغاني القديمه ما هذي علومك يؤ يؤ) ومدري شلون نمت قعدت الصبح واتروش (على باله الاخ ترى يتروش لان وراه صلاه جمعه لا اكثر ولا اقل ) واروح اصلي الجمعه واطلع من الصلاه ولا الجوال يدق ههههه صوت ضحك (واحد من الشباب ) هلا عليان كيف حالك هاه شلون العرس معك هلا ياخوك بدري تو الناس ما عرفت خيره من شره (الدلخ للحين ما تعلم ) افول عليان اليوم نبيك تسهر معنا( حركات النذاله بدت)اليوم انشالله اشوف لا تقولي اشوف نبيك اليوم في الاستراحه ضروري (ما كانو يجيبون خبره بس شتسوي بحركات العزوبيه) خلاص اكيد بمركم ........ ونكمل القصه في جزء ثاني بعد ما اشوف ردودكم ( واحد يتغلى ) ههههه

تكفى الجزء الثاني ومشكور.

الجزء الثاني راح تلقونه هنا في نفس الصفحه انشالله بس لين تكتمل الردود لعشره ردود

مشكووووووووووووووووووووووووووور وما قصرت ولو سمحت بلا تغلي وعطنى الجزء الثاني الله يجزاااك خيــــــــــــــــــــــــــــــــــــــــــــــــ ـــــــــــــــــــــــــــــــــــــــــــــر

مشكورين على المرور والجزء الثاني من يعوني بتلقونه قريب

ههههههههههههه انا مريت

هههههههههه مشكور على المرور

يسلموووووووووووووو اخوي عالموضوع