آخـــــــــــــــر حب

آخـــــــــــــــر حب

كنت احسب اني عرفت الحب قبل اعرفك
وعشقت قبل اعشقك واشتقت قبل التقيك

وكنت احسب اني لقيت احباب قبل اوصلك
واثري توهمت في غيرك وانا كنت ابيك

تعال نعطش وتشربني وانا اشربك
تعال قبل الوعداجلس معي نحتريك

تعال شفني وانا استناك .. كم اشبهك
يطري علي ألف راي وراي واحتار فيك

اجي مكان الوعد والا اسبقه انطرك
والا اخذ الموعد اللي يحتريك واجيك

يااخر الحب ذقت الحب في اولك
ويااول الشوق اقصى الشوق ماينتهيك

علمتني كيف اعرفك لين صرت اجهلك
ضيعتني في متاهاتك وكنت ارتجيك

حبيب الاحلام يابعدك ويامقربك
حرام يكفي تبعثرني وانا احتويك

ان شفتك بحلم صدقته وانا اتوهمك
وان شفتك بعلم كذبته الين انتشيك

اخاف اغمض عيوني وإن رمشت افقدك
واخاف افتح وتصبح حلم ولا التقيك




منقـــــــــــــول (الشاعر:طلال الرشيد)



بومروان

يسلموووووووووو خيوووو
على النقل الطيب
وصح السان الشاعر:طلال الرشيد
وعساك على القوووه

التوقيع :

مشكووور بو مروان

قصيدة جميله

لكن أرجو عدم تكرار أكثر من مشاركه .. تحياتي

نسلموووووووووووووو على المشاركة يالغالي

اشكركم على المرور



بومروان