|
بعض البشر بس ترسل له يهلّي
وبعضهم سخي يردها اثنين
وبعضهم يتثاقل بالتغلي
والبعض مبداه صد والله يغنيني عنه
شف نفسك من بين هالاجناس...!
وقلولي....
أيهم يمثل حالك
ألحين..?
________________________________
اعتبرني في عيون الحب تلميذ ابتدائي
ما عرفت المدرسه لولاك وحروف الهجاء
تسكن ضلوعي ولك حب تغلغل في دمائي
صرت أنا أتنفسك لو تدري كذرات الهواء
_______________________________________
شفتك على ميل الزمن واعتداله
شفتك على درب الفرح والتعاليل
شفتك وفا كل الوفا ما وفا له
فذ لبيب يفقتقد مثلك الجيل
أنته على صفحة جبيني رساله
أوضح من القمره عل وجنة الليل
عنوانها حب تعذر مناله
بين الزمان وبين زيف الأقاويل
_________________________________
ملعون أبو حب يساوم في انسان
وقلب يخضع يوم وإلا يكابر
والله لو حبك بهالقلب شريان
لأنزعك من قلبي ولاني بفاكر
وأقطعه وأرميه في وسط بركان
وأنهيه من دنياي أول وآخر
جاك الجواب وخذ من الرد عنوان
عبره لكل انسان خاين وغادر
لا تعتذر وتقل جيت ندمان
السالفة ما هي بجبر الخواطر
وأقولها غلطان غلطان غلطان
إني عرفت إنسان جاهل وقاصر
_______________________________
جيتك يتيم ما لقى من يمسح دموعه
تاهت بي الخطوة تبي توصل لكم يا فلان
جيتك تشوف بناظري صورتك مطبوعه
لا ما يغيرها الزمن مهما جرى وما كان
ما جيت لكن خافقي هو جاك من طوعه
وإن رحت عني صرت أنا عايش بلا عنوان
____________________________
ترى التغلي ما يفيدك يضرك
اللي تغلى نرخصه لو هويناه
ونقول دور غيرنا من يسرك
وبعد المودة والصداقة جفيناه
لو كان سلك الحب عندي يجرك
حبل الوصول بيني وبينك
قطعناه
___________________________________
يا صاحبي
يمكن في هجرك لنا خيره
ما دام ما عاد في قلبك لنا طاري
حكم القدر يا رفيقي صعب تغييره
ما دام بعت الرفيق اللي لكم شاري
يا زين حالي على الله سهل تدبيره
ولاني من بعدكم (جايع ) ولا (عاري)
________________________________
حاول تنساني
وإن ماقدرت
حاول عشاني
وإن ماقدرت
أشطب عنواني
وإن ما قدرت
أترك مكاني
وإن ماقدرت
أرجع لي ثاني
__________________________________
يوم إنها مرت على القلب ذكراك
حنيت لك وأذرفت دمعي زياده
وش حاجة الدنيا وأهلها بلياك
ما عاد لي فيها طمع واستفاده
وجدي عليك إن كان طولت فرقاك
وجد الغريب اللي تذكر بلاده
________________________________
أخذت لي مع هاجس الفكر سجات
رحلة مع الأفكار صوله وجوله
وراجعت تاريخ الشرف والمروات
ولقيتكم تاج الفخر والرجوله
وعندي غلاكم فوق تعبير الابيات
منزل وفا ماتنزل الناس حوله
__________________________________
تخيل يوم عانقني خيالك
خاطري وش قال؟؟
تخيل قبل أسولف
نشدني عنك وجداني!!!
نشدني لين خلاني مدينة هزها زلزال!!
تخيل ما هدأ حتى لقاك بوسط شرياني
_______________________________________
خذني فرح يشرح بادي محياك
وخذني عن الإزعاج لك جو هادي
خذني نديم لو تضايقت سلاك
وخذني ذرى عن قارص البرد ذاري
خذني لهناك وهنااك وهناااك وهنااااك
وإلا ترى باخذك وأخفيك بداخل فوادي
________________________________
|
النمط الخطي
