اهداء خاااص بالبنات .... الشباب لا اشوفكم ..

مراااااااااااااحب بنات:


الى كل فتاه ناشبة في حلق أهلها وماتصرفت مع انهم حاطين معها أختها مجانا (لترويج البضاعة المتحرجمة في البيت )
اليك عصارة راسي وبنات أفكاري أضعها بين يديك
كيف تصطادين تمساح دون اللجوء للأساليب المعهودة والسقيمة (المغازل ،الترقيم،التميلح اللي ماله سنع،الترزز بالاسواق .الخ )

للاجابة على هذا السؤال اليك مايلي :

أهم نقطة :نشني على العجوز اللي حاطة عينك على ولدها ثمن نفذي

مايلي :

1-خليك مع أمك لاتروحين مع البنات وتهيبلين ماورى ماتهيبلتي اصبري عنهن كم شهر لين تتم العملية


2-امشي وانتي حاطة راسك بين كتوفك لاترفعينه أبدا حتى لو يصير كله متورم من كثر ماتصكين (خلي الفكس دائما في متناول اليد ) علشان يقولون مؤدبة ومب متكبرة


3-كلمة خالة خليها على لسانك وخاصة لأم التمساح علشان تحس بنوع من التميز عن بقية العجز .لامانع تنادين وحدة ثانية بخالة علشان إذا مانجحت الخطة مع العجوز نمبر ون تنجح مع الثانية اتبعيها كخطة احتياطية (يعني ستبنة )


4-إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقا للمثل (كثر الطق يكسر الحديد) أدري إن المثل ماله داعي بس مالقيت غيره


5-اخوانك الصغار لاحقيهم وطامري وراهم وين مايروحون حتى لو مب عادتك بس تصرفي معهم كأنك أمهم لأن هذا يوحي بما لايدعو مجال للشك عند العجوز بأنك حريصة على ذريتك (جعلهم عقبك)


6-مهما أكلت أمك من أكلة زينة خليها تقول :نفس الاكله اللي تسويها بنتي (حتى لو الاكل من المطعم الصيني أو المكسيكي )


7-اذا جيتي بتمدين ايدك جعلها الكسر<............ (خربتها)

اعبطي خشتك وتويجعي (مب قوة علشان مايقولون جوارة) وخلي أمك تقول :قايلة لك وأنا أمك لاتنظفين جدران الفلةالخارجية بس أنتي الله يهديك ذابحتك النظافة (جعلي ماأبكيك أجل بتنظفين جدران الفلة نظفي غرفتك أول اللي تقولين ثايرة فيها قنبلة ذرية )


8-دايم ارتزي كأنك بالعه قصبة علشان ماينقص من طولك ولا سنتيمتر


9-اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها (بس لاتكتمين نفسك مرة أخاف تروحين فيها وأصير قتلت نفس بغير حق )


10-مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة


11-شعرك افرديه لين يتحسحس لاتخلينه طاير وشوشة مهما كانت الموضة لأن العجز مايدورون الا اللي شعورهن ناعمة والا ياعمري اللي شوشهن طايره ماحد يلتفت يمهن


12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي مثلا تقول العجوز:أمس بوش متقهوي عندنا قولي لها :وليه ماعلمتينا ياخاله نجي نعاونكم

13-في العروس لاترقصين اربضي واقضبي ارضك واعتبري الرقص عيب وشق جيب

-اذا جا طاري السوق وطبعا هو لازم يجي الطاري لأنه ملح الجلسة عند الحريم خلي أمك (الله يعظم أجر أميمتك)بناتي مايطلعون للسوق أغراضهم أبوهن يجيبها (وانتي شكلك مقطعه السوق تقطيع )

احتمال وارد الحدوث
ممكن تكون العجوز منشنة على بنت غيرك لكن بعد النقاط السابق ذكرها بتصرف نظر عنك وعنها < (أمزح لاتصدقين )
الحين بتكون العجوز وقعت باالفخ

نرووووووووح للتمساح الحين :
اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له :والله ودي تشوف البنت بدون ماتدري علشان تأخذ راحتك وانا عمك وبعدين تشوفها على الطبيعة علشان ماتقول بعدين غشيتوني (ايه هين ياالشايب لو يحصل حطيت بدالها باسكال مشعلاني والا أليسا والا مايا هالي مطيراتن عقول عيالنا
وقبل يجي اليوم اللي بيشوفك فيه بحوالي اسبوع أو أكثر (على حسب شين وجهك ) ادهري من مشغل لمشغل (صبغه ،فرد،تنظيف بشره،الخ) لاتخلين على روحك قاصر
ولما يجي المعرس خلي أخوك ياقف بجنبه عند الشباك علشان مايطول بالتبحلق ويبان المستخبي وذلك تطبيق لنظرية اللمحة ذبحة
بعدها عاد كيف بيشوفك هذي عليك مب كل شيء بعلمك اياه دبري عمرك
بس خلي أبوك في نهاية المشاهدة يقول:العذر والسموحه وأنا عمك (الأخ ضمن الولد يوم انه يقول وأنا عمك ) ترا (البنت حوسة (مع انك طاقة كل زينك بس يعني اني في هاللحظة الولد بينط على راس أبوك وبيمطخه لين يشفط مخه وبيقول متى العرس ياعم (اللهم ارحمه فقد كان ولدا بار بوالديه )
عاد الله يوفقك ولاتنسينا من حلاو العرس والكليجا واياني واياك تعلمين الولد من اللي معلمك هالعلوم ولا حتى باسم القروب لأني أعتقد انه بيسوى مصيبه وأخاف يحط حرته فيني


تحذير
ابعدي عن أمهات العيال اللي متعلمات راعيات الشنطة مثل لون الجزمة لأن هذولي يبيلهم خطط بعيدة المدى


نصيحه
رفيقاتك بيلاحظون التغيرات المفاجئة اللي صارت لك فانتي قولي لهم :انك خلاص انسانه عرفتي درب السنع والعداله (فاصل دعايه للطقاقه فطومه )
تدرين ليه؟؟خوفا من سرقة الفكرة الادبية
عاد ادعي لي لأني من العطلة الصيفية اللي راحت وأنا حاطة عيني على عجيز وببدا أنسج خيوطي العنكبوتية حولها
والله يوفقكن يابنات>>

ملطوووووووووووش وبقوة بعد..




ملاحظة:
طبعا لا تنسون ان الموضوع فررررفشة وضحك لا اقل ولا أكثر

هههههههههههه ههههههههههه هههههههههههههههههه
هذي نصائح لكل السحالي اللي معنسات وقاعدات في البيوت ومافي ولاحد تقدم لها
لعدة اسباب ومن ضمن هذه الاسباب :
1- عدم الالمام بأبسط اساليب المعيشة
2- الكراهية المحظة للمطبخ
3- عدم القدرة على استقبال الضيوووووف
4- عدم الاهتمام بالشياكة والا الشياكة المؤقتة قبل الزواج اما يعد الزواج ؟؟؟؟!!!!!!!!!
5-عدم المحافظة على الشكل النك قبل الزواج رشاقة وغزال وبعد الزواج وخاصة بعد المولود الأول
اختلاف كلي شي مو معقول حجم عائلي وزيادة مجاناً
6- ادمان الاسواق والحفلات والاعراس والاكتئاب عند الجلوس في البيت يوم كامل
7- ادمان التلفونات والجوالات ولوتبي تعذب وحدة خلي جوالها يرن وهي مربوطة هههههههه
أختي دلع اش اللي يعجب ويجذب في سحالي الزمن الحاضر
مع احترامي لكل السحالي وانا امزح بس عندي شي اخير
كفوا عن حملاتكن ايها السحالي علينا نحن ..................
أخوكم
الأفق

من زوود اللقافه افقوووه داخل....

انا مو قايله الشباب لا اشوفكم...

(هههههههههههه ههههههههههه هههههههههههههههههه)

دوم مو يوم يالافق الضحكه ...

(هذي نصائح لكل السحالي اللي معنسات وقاعدات في البيوت ومافي ولاحد تقدم لها)

لا مو شرط... النصائح لجميع شرائح البنات...

والبنات طوابير الشباب عند الباب... لوووووول

لكن النصائح هذي للبنت اللي حاطه عينها على تمساح معين..

(لعدة اسباب ومن ضمن هذه الاسباب

احلى يالمحلل النفسي ههههههههههههههههه

(- عدم الالمام بأبسط اساليب المعيشة)

عدااال عليكم انتم... يالقنوووعين بالحياة

<<<تقول لك ليش تدينون وتقسطون وتشحذون من فلان وعلان حق السياره الكشخه.. كل هذا

عشان الترزز بالشوارع ومقابل الاسواااق..وحق الفخفخه...

(2- الكراهية المحظة للمطبخ)

اقوول من يسوي لكم العصير والحلى والكيك في بيوتكم... مو البنات...

من يشرف على الاكل... ويكفي شرف الاشراف على المطبخ...مو البنات...

لما تعزم اصدقائك وزملائك في بيتكم ... من يشرف على قهوتهم... وعلى عشاهم حتى لو كان من

المطعم.. مو البنات..

واذا على الاكلات الدسمه والوجبات الرئيسيه فهذي شغلة الامهات مو البنات...

(- عدم القدرة على استقبال الضيوووووف)

العكس صحيح... لو تقول لها في ضيوف بيجوننا ... تتجهز لهم من اسبوووع...

تبدا توزع ورود في صالة الاستقبال.. وتطلع الدلال الكشخه... وتسوي حلا.. وكيك..

وتعطر البيت.. وتستقبل الضيوووف باحلى عبارات لا طشتها من الشعر والخواطر...

وتدخل سواليف مع الضيوووف حتى ما تحسسهم انهم غربين.. تحسسهم ان البيت بيتهم..

واذا بغوا يطلعون... تعال شوووف كلام البنات...عيدو الزياره... لا تقطعوا فينا.. نورتونا.. تشرفنا

بمعرفتكم.. ومن هالكلام...

(4- عدم الاهتمام بالشياكة والا الشياكة المؤقتة قبل الزواج اما يعد الزواج ؟؟؟؟!!!!!!!!!)

من الحررره اللي فيكم ليش ان البنات لبسهم ذوووق وروعه...

والشياكه.. تكووون مررره قبل الزواج لا نها متفرغه... ولا شغل ولا مشغله...

اما بعد الزواج فكل بيتها على راسها... ومو معنى كذا انها تتخلى عن شياكتها لا والف لا يمكن تقلل

من شياكتها لكن تتخلى عنها مستحيل..

(عدم المحافظة على الشكل النك قبل الزواج رشاقة وغزال وبعد الزواج وخاصة بعد المولود الأول
اختلاف كلي شي مو معقول حجم عائلي وزيادة مجاناً)

دوام الحال من المحال

شيء طبيعي انها بتكون قبل الزواج رشيقه مثل الغزال..

اما بعد الزواج..

فسبب هالنقله في جسمها الحمل.. وبعد الحمل الرضاعه.. والتربيه..

وفاقد الشيء لا يعطيه... لانكم ماجربتوا الحمل ومستحيل تجربونه... فمراح تحسووون بتاثير

الحمل حتى بعد الولاده على جسم البنت...

<<,,,أصلا انتم يالتماسيح بليدي احساس..

اكيد بتقووول ليش الامريكيات مو مثلكم... اقولها لك لا نهم فررري ... وكل حياتهم مشي وركض

ومطامر.. واكلهم كله خموررر يقضي على التكدس اللي في الجسم من الشحوووم...

(ادمان الاسواق والحفلات والاعراس والاكتئاب عند الجلوس في البيت يوم كامل )

ادمان الله يكفينا شر الادمان لووووووووول

الاسواااق ما بنيت الا للبنات.... ملابس وعطوور... وشنط واكسسوارات...لكن انتم ليش ترززون

اعماركم بالمراكز والاسواق...حق المغازل.. ولا تقول لي ااننا نغازل عشان البنات هم اللي يجذبوننا بالميك اب حق العيوون والعبايات المزركشه...

اقولها لك ما احد ضربك على ايدك وقال لك تعال للاسواق وفر ويهك... وبقق عيونك.. وارمي

الرقم.. والتعليقات الجانبيه..

والحفلات والاعراس مافيها شيء اذا راحت لها البنات...يقومون بالواجب ويشاركون الكل فرحته..

ويحسسون بنات جيلهم انهم يشاركون سعادتهم...

واذا على البيت ان البنت تطفش اذا جلست فيه يوووم واحد ... فكل يناظر الناس بعين طبعه..

انتم ما تحبوون تقرون بالبيت... لا زم كل يوووم جمعى عزابيه.. ولعب ورق للصبح.. ولعب بلياردوا..

والاستعراض بالكامري بالشوارع عكسيه وعقده وسلسله.. هذا غير الطعوووس بالربع...

والجيوووب.. والدبابات.. وغير التنقل بمقاهي الانترنت..

( ادمان التلفونات والجوالات ولوتبي تعذب وحدة خلي جوالها يرن وهي مربوطة هههههههه)

يعني انتم كلش ماتتكلموون بالجولات والتلفوونات.. الفاتوره فوق الخمسميه...

مابين مغازل.. ورسايل جوال الله اعلم بها.. وغير مكالمات المذيعات والتميلح عندهن..

وغير السواليف عن الشباب وورحلة اليووم وين بتكون والاجتماع وين ومنو بيشرفنا اليوم بشارع التفحيط..

_____________________________________________

اخوووي الافق.. كل شيء حلووو بنات الزمن... هم نصف المجتمع وتلد النصف الاخر منه...

والزمن هذا بالذات فيه الصالح والطالح ودوووم الخير يعم والشر يخص...

ولا تقووول عن البنات سحليااات...

وتبيني اوقف حملاتي هذا بعدك ...

ومشكووور على المرور والرد

بس دااش احب اللقافه لووووووووووول ماكو شغل على العموم جكرن جكرن

مشكوره دلوع وعرفتي شلون توقفين الملاقيف عن حدهم

يسلمووووووووووووووووووووووووووووووو دلع عالموضوع