[frame="4 80"]
موظف غلبان
عم ابراهيم موظف غلبان
وكمان مرتبة ضعيف
يصحى كل يوم الصبح جعان
يشترى شوية فول ورغيف
ياكل ويحمد ربنا
يلبس هدومه ويسيب حينا
يروح شغله وأخر النهار يرجع لنا
فى الصبح يجرى عشان يلحق الاتوبيس
لانه مش هيركب تاكسى ولا سرفيس
وهو ع الحال ده ساكت وراضى
ومارحش أشتكى حد للقاضى
ودايما كلامه موزون ومش فاضى
يروح شغله ولشغله شايف
أصله مسمعش شريط أحمر شفايف
ومن أى حد غير ربنا مش خايف
يخلص شغله وعلى بيته يجرى
يتعشى وينام عشان يصحى بدرى
وكل يوم على ده الحال
وهو بيقول ده قدرى
وفى يوم تعب عم ابراهيم
اللى طول عمره راجل كريم
قال أجيب من الصيدليه حبة براشيم
وغاب عن الشغل يوم واتنين
ولا حد سأل فيه المسكين
هو يعنى يطلع مين
مجرد موظف غلبان
يتعمله غياب وخصم حتى ولو تعبان
ولما عرفوا أنه مريض
على مستشفى حكومى حولوه للتمريض
وطبعا قمة العناية والاهتمام
علاج وأكل وكله أخر تمام
بالذمة ده كلام
صدقونى ده حرام
مسكين عم ابراهيم
نايم فى المستشفى ولا حد سائل فيه
والمرض كل يوم عن يوم بيزيد عليه
لحد ماطلعت روحه لباريه
ومات عم ابراهيم
بس ده لو كان ممثل
ولا لعيب كورة اللى عيان
كان صدر من الدولة فرمان
بعلاجه وفى الخارج كمان
ولما يرجع الكل يقابله بالتهليل
حسبى الله ونعم الوكيل
حسبى الله ونعم الوكيل
تأليف : - جرجس رأفت
7-11-2003
[/frame]
مسابقة !! : بدأت بقسم التربية
والتعليم المسابقة التنشيطية شاركونا المتعة
اضغط هنا للمشاهدة
مسابقة !! : بدأت المسابقة الرمضانيه
بقسم السياحه والسفر اشترك وأستمتع معنا
اضغط هنا للمشاهدة
مواضيع مشابهة
مختصرات عالم خولة
النمط الخطي
