قصيده للشاعر الكبير بركات الشريف منقوله

بركات الشريف
يا الله ياللّي كـل الأمـات ترجيـك
ياواحـد ٍ ماخـاب حّـي ٍ ترجـاك
يارب عبد ٍ مامشى فـي معاصيـك
ولايمشي إلا في محبتك ورضـاك
يامرقب ٍ بالصبـح ظليـت باديـك
ماواحـد ٍقبلـي خبرتـه تـعـلاك
ولّيت ياذا الدهـر ماكثـر بلاويـك
الله يزودنا السلامـة مـن اتـلاك
ياللي على العربان عمت شكاويـك
ولّيـت يادهـر الشقـا ولّ مقـواك
واليوم هالـكـاون غـاد ٍ شبابيـك
تلعب به الارياح مـن كـل شبـاك
يامالك اسمع جابتي يـوم اوصيـك
واعرف ترى يابوك بآمرك وانهاك
وصية مـن والـد ٍ طامـع ٍ فيـك
تسبق على الساقـه لسانـه العليـاك
أوصيك بالتقوى عسـى الله يهديـك
لهـا وتدركهـا بتوفيـق مـولا ك
الله برب أجـدادك الغـرّ يعطيـك
مرضاته مع ماتمنـى مـن إمنـاك
إحفظ دبشك اللّي عن الناس مغنيـك
اللّي ليا بان الخلـل فيـك يرفـاك
وإعرف ترى مكه ولاهـا بناخيـك
لو تشحذه خمسة ملا ليـم معطـاك
إجعل دروب المرجله مـن معانيـك
وإحذر تميّل عن درجهـا بمرقـاك
لا تنسدح عنها وتبغانـي اعطيـك
جميـع مايكفيـك ماحاصـل ٍ ذاك
أدب ولدك إن كـان تبغـاه يشفيـك
لو ضاقت إمـه لا تخليـه يـالاك
إما سمج واستسمجك عنـد شانيـك
ويفر من فعله صديقـك وشـرواك
والا بعد جهله تـرا هـو بياذيـك
لو زعلت امـه لاتخليـه يـا لا ك
وإحذر تضّيع كل من هو ذخر فيـك
معروف لاتنساه واوفـه بعرفـاك
ترى الصنايع بين الاجواد تشريـك
إليـا طمعـت بغرسهـا لا تعـداك
وإحذر سرور بغبة البحـر يرميـك
ولا عنده افلس من تشكّيك وبكـاك
وأوف الرجال حقوقها قبـل تاتيـك
لا توفيه بالهـرج فالحـق يقفـاك
وهرج النميمه والقفا لا يجـي فيـك
وأياك عرض الغافل أيـاي وإيـاك
تبدي حديث ٍ للمـلا فيـه تشكيـك
وتهيم عند الناس بالكذب واشـراك
واليا نويت إحـذر تعلـم بطاريـك
كم واحد ٍ تبغى منه عرف وأغـواك
وأحذر شماتت صاحب ٍ لك مصافيك
وليا جرالك جـاري ٍ قـال لـولاك
و لا تحسب ٍ ان الله قطوع ٍ يخليـك
و لا تفرح إن الله على الناس بـداك
الضيف قدم له هـلا حيـن يلفيـك
وممّا تطوله يافتـى الجـود يمنـاك
إحذر تلقي الضيف مقرن علابيـك
خله محب ٍ لك صديق ٍ ليـا جـاك
ووصيك زلا ت الرفيق ان عثا فيك
مازال يغّطاها الشعر فا حتمـل ذاك
راعه ولو ما شفت إنـه مراعيـك
عساك تكسر نيتـه عـن معـاداك
وإحذر عدوك لو ظهر لك مصافيك
خلك نبيه وراقبـه ويـن ماجـاك
لا تامنه واطلـب مـن الله ينجيـك
ويكفيك ربـك شـر ذو لا وذولاك
شفني انا يا بوك بآ مـرك وانهيـك
عن التعرض بين الاثنيـن حـذراك
إذا حضرت اطلابة ٍٍ بـه شرابيـك
اسع لهم بالصلـح والـلاش يفـداك
ابذل لهـم بالطيـب ربـك ينجيـك
ولا تجضع الميزان مـع ذا ولا ذاك
أما الشهاده فادهـا إن دعـوا فيـك
بيّن عمود الدين لا عميـت أريـاك
بالك تماشي واحـد ٍ لـك يرديـك
طالع بني جنسك وفكـر بممشـاك
رافق أصيل ٍ في زمانـك يشاكيـك
لاشاف خلا تك عن الناس غطّـاك
وحذراك عن طرد المقفي حذاريـك
عليك بالمقبل واترك اللّـي تعـداك
ثم إلعن الشيطان حـذراك يغويـك
تـرى ان تبعتـه لشرابيـك وداك
وأوصيك لا تشكي علينـا بلاويـك
انت السبب اطرفت عينـك بيمنـاك
وإعرف ترى اللّي واطا الفعرواطيك
ولاأنته أعزمن الجماعـه هـذولاك
ألمسك ياراسي من الـذل وأخطيـك
وأحـذر تكلـم يالسانـي وحـذراك
وألطف بجارك قوم من دون عانيك
وافطن لما يعنيك عن ربعة اخـواك
ياذيب وإن جتك الغنم فـي مفاليـك
فا كمن لهـا ياذيـب لامـا تعـداك
فيما مضى ياذيب تفـرس بياديـك
واليوم جاء ذيب عن الفرس عـداك
ياذيب عاهدني وعاهـدك مارميـك
مرميك أنا ياذيب لـو زان مرمـاك
والنفس خا لف رايها قبـل ترميـك
ترى لها الشيطان يرمي با لاهـلاك
ومن بعد ذا لاتصاحب النذل يعديـك
عن صحبة الانذال يابوك حـذراك
والهقوة انك ماتجـي دون أهاليـك
ولا ظن عود الورد يثمـر بتمبـاك
والحر مثلك يستحي يصحب الديـك
وإن صا حبه عاعا مععات الاديـاك
لا تستمع قول الطرف يـوم يلقيـك
بالكذب يقضي حاجته كـل ماجـاك
من نّم لك نّم بك ولا فيـه تشكيـك
وأليـاه قـد زرى رفيقـك وزراك
عندك حكا فينا وعندي حكـا فيـك
وأصبحت كارهنا وحنـا كرهنـاك
ماخطاك ماصابك ولو كان راميـك
واللّي مصيبك لو تتقيـت مخطـاك
مير استمع مني عسـى الله يهديـك
النصح يا ما لـك لـك الله مـولاك
عنـدي مظنـه مـا تمثلتهـا فيـك
واطلب لك التوفيق من عند مـولاك

مشكووووووووورييييييييين على الدخول

ربي يعطيكي العافية حبيبتي على الموضوع الروعة


تحياااااااااااتي