هموم اخر زمن

: قايمة البنية من الصبح ... او ما رقدت عدل طول الليل ... خايفة على شعرها يخترب ... سيدة حق التلفون الو فطوم ... حلمت انه حمود راح مادري وين او مادري شسوه او يحب مادري مين .......... الخ



: اقص شعري .. لا لا باطوله .. لا باقصه احسن .. لا باقطعه من جدام .. بس .. لا باهده هلون احسن .. بس الناس يقولون لي القصير احلى عليج .. امي تقولي طوليه احسن .. حبيبي ما يحب لا طويل و لا قصير .. في الوسط .. احسن شي باقرع !!!


: اوهو .. عبود شافني في العدلية .. الحين شبيقول عني .. ما تستحي على ويها .. او بيطلع عليي حجي .. او سمعتي بتطيح !!! ( او اهوه حتى ما شافها !!!!!!!! )


: السيارة العدلة في الكراج .. مافي الا الحزرة .. شاسوي ؟؟ مــــــامــــــا .. اخذي الحزرة او عطيني سيارتج !!


: بــــــــيــــــه .. ظفري انكسر .. شاسوي .. الحين لازم اقصهم كلهم .. لالالالالا .. اشبيقولون عني الاوادم .. ما عندها اظافر !!!


: النتايج باجر .. انشاء الله انجح .. انشاء الله معدلي يرتفع .. انا متاكدة بارسب في المحاسبة و الرياضيات .. و التسويق بعد .. او بينزل المعدل .. ( او تاخذ الشهادة .. ناجحة في كل المواد و المعدل مرتفع .. وسواااااااااااس !!! )


: وايد عندي شغل .. ما عندي وقت احك راسي .. بس لازم اروح الحين .. المكسي اللي وصيت قدور يسويه بيبرز اليوم !!!


: تمشي في السيف . اكتشفت ان زرار واحد من قميصها طاح .. لالالالالالالالا .. ســــــيده الحمام .. دبووووس؟؟ مافي .. مشباص؟؟ .. مافي .. ما ينفع .. الحمدلله عندها شنطة .. تغطي فيها صوب الزرار ليما توصل لي السيارة ... ( لاحظو انه زرار واحد من قميص فيه الف زرار غير !!! )



: امبطله كبتها .. متروووووس ثياب .. شالبس ؟؟ .. ما عندي ثياب .. هاذي لابسته ذيج الاربعاء او هاذي شافوه عليي في الجامعة .. او ذي غسلته او قفظ .. بس مب طالعة !!!


: والله احنا يايين نخطب بنتكم حق ولدنا .. اتعرف تطبخ ؟؟ لالا !! تكوي ؟؟ لالا !! تنظف ؟؟ لالا !! تغسل ؟؟ لالا !! شتعرف عيل ؟؟ تبلع او ترقد ؟؟!! او لا تنسين الهياته !!!!!!!


: هلا عبور .. شلونج ؟؟ شخبارج ؟؟ ها مافي رنات يديدة ؟؟ مافي مسجات يديدة وصلت لج ذاك اليوم اللي طرشت لج فيه ؟؟ ( او هاذي سوالفهم !!! )


: ( في السيارة يدورون ) .. يله قولوا وين نروح .. فدز ؟؟ لا مال اول .. شيليز ؟؟ لا مافي صبيان وايد !! ستار بكس ؟؟ اييييييييي زحمة الحين !!!!!


: مريوم .. بتحضرين الصف اليوم ؟؟ انزين عيل اخذي ملاحظات لنا .. باطلع اتغدى ويا البنات !!!


: البنت 1 : ها نورو بتيين البركة باجر ؟؟
البنت 2 : مصخنة او راسي يدور او جبدي تلوع .. بس لازم ايي .. لازم اصير تان

:( :(

شكر لكdarwish على المشاركة الجميلة والرائعة
جزاك الله كل خير وبارك الله فيك
اتمنى لك و للجميع التوفيق ان شاء الله

تحياتي للجميع