صوير جنب عوير و عوير دجاال .. << إدخلوا منتب خسرانين

--------------------------------------------------------------------------------

السلام عليكم ورحمة الله وبركاته


..

..

..

..


الشعر تعريفة بـدون ايـة اجـدال
كلام لـه معنـى مقفـى ومـوزون

ولو قالو ابا اقول عن كل الاقـوال
هذا الصحيح وقولو اللـي تقولـون

ماهـو كـلام كيـف ماقيـل ينقـال
وشلون مدري كيف ياكيف وشلـون

لا قافيه لا وزن لا نعـت لا حـال
لا وصف لا تشبيه لا شكل لا لـون

يعني سوالف بس من غيـر منـوال
سولف واسولف واكثر الناس يوحون

حتى لو انك جبتهـا مالهـا اجيـال
اهـم شـي تكـون رزه ومزيـون

وفي يدك ساعه تعطي الوان واشكال
ماغير تلمـع كـل ماقلـت هاللـون

واشياء كثيره غير هذي على البـال
ياناس ياعالـم هـو انتـم تشوفـون

موروثنا الشعبي غدا نصـه خبـال
بيديـن متشـدق وسـاذج ومجنـون

من عقب ماكانت توارثهـا الأجيـال
اصبح مجرد شئ زايـد ومركـون

ومن عقب ماكـان يتنفـس ويختـال
صار اكسجينه ثاني اكسيد كربـون

تعرضوه صويـر وعويـر والفـال
اللي علـى نهـج الثنينـه يسيـرون

صوير جنب عوير وعويـر دجـال
وعوير جنب صوير وصوير ملسون

اعوير لا مـن قـال يـالال يـالال
صوير يصرخ ياخي ابـداع بفنـون

يامال فرقـا العيـن يامـال يامـال
جنون يمكن لاكـن ابـداع تبطـون

والشعر مهما صار باقـي ولا زال
وشعارنا فـي كـل وادي يهيمـون

مليون لاكن لو تجيب لـك منخـال
تنخلهم بنمنخـال مامهـوب مليـون

وانا ماابري نفسي بكـل الاحـوال
اخاف فالمنخل مع اللـي يروحـون

لاكـن والله مانـي قصّيـر احبـال
ولاني من اللي فالقوايـل يضيعـون

يقول ابن جدلان في عرض ماقـال
تكفون صونو كلمة الشعـر تكفـون

وانا بقول اليوم عـن كـل الاقـوال
هذا الصحيح وقولو اللـي تقولـون

وسلامتكم




منقول ..

لكم كل الود و التقدير أخوكمــ//د.مبدع

خخخخخخخخخخخخخخخخ
قصيدة جنااااااااااااااان في وصف حال الشعر و الشعراء اليوم
أول مرة أقرأ قصيدة من هالنوع ... مرررررررررررررة حلوة ..
الله يجزاه خير كاتبها و ناقلها ..

تحياتي لك ..

شكراا على مرورك العطر ..

كل الود و التقدير

صح لسانك وسلمت اناملك

والله جونان يعطيك الف عافيه

صح السانك اخوي وفالك المليون ههههههههههههههههه
تقبل مروري اخوي واسمح لي اقول لك انت بكل الاحوال مبدع وترى لك وحشه طمني عليك

شكراا على المرور .. الجميل ..

كل الود و التقدير أخوكمــ// د.مبدع ..

شكرا على المرور