تكفى يا زمن ...؟؟

شيء على خدي يسيل ..؟؟
مادري مطر ...!!
مادري بحر ...!!
يمكن دموعي بهالقدر ؟؟!
تبكي على جرح العمر
وأبكي أنا موت الصبر
تكتب دموعي كلمتين ..!
الحزن ما منه مفر ..
رحلة طويلة .. والحزن .. كسر مجاديفي .. خلاص
كل الموانيء تحطمت .. تعبت يادنيا .. خلاص
أبكي حجود الأوفياء
أبكي طعون الأصدقاء
والمشكلة لامن طعنت ..؟؟!
ما يبكي إلا الأبرياء !
ودي أنام بأبتسام ..
تكفى طلبتك يا زمن ...!!
أبي وسادة كالبشر ..!
وسادتي كلها ألم !!
في جنبها الأيمن وهم .. و في جنبها الأيسر ندم
وأنا بوجودها صرت عدم !
دخيلك يا زمن ..؟؟
لي ناس أغليهم بصدق شعور ..
أخاف أنك علي تجور ..
أنام و أصحى و ألاقي خنجرك فيهم ..
دخيلك لا تأذيهم .. حتى لو منهم خاطري مكسور