|
قصيدة بين شاعر شمري ومطيري
قصيدة شاعر شمري محب لقبيلة مطير ,,
السلام عليكم ورحمة الله وبركاته
قصيدة للشاعر الشمري )) عواد بن حمود بن شامان الشمري (( يسندها على
الشاعر )) صنيتان بن مزيد البرازي المطيري (( ورده عليه ,,
قصيدة عواد الشمري.
لـيـا ضـــاق صـــدري مـــن حـلــوق العصـافـيـر
..................... الـبــعــد بـــــه كــيــفــي وراحــــــة ضــمــيــري
اســـــج رجــلـــي مـــــع طـــــوال الـمـشــاويــر
.................. بــعــيــد عـــــــن واد الـــعــــوى والـصــفــيــري
ماالله مــوازيــنـــي عـــلــــى نـــافــــخ الــكــيـــر
................... يـبـلـش .. ويـبـلـش بـــه مـــن الــنــاس غــيــري
اســـــج رجــلـــي وانـتــحــي وابــعـــد الـســيــر
................ وأقـــــــدا لــحــمـــران الــنــواظـــر مــســيـــري
قـلـبــي يــحــب مـطــيــر.. ومــرافـــق مـطــيــر
................... احـبــهــم... لـــــو مـــــا انـتـســابــي مــطــيــري
أهـــــــل الــســمـــوت مـدلّــهــيــن الـمـسـايــيــر
................... الـــلــــي يـــعــــزون الـــخــــوي والـعــشــيــري
بـربــاعــهــم صـــفــــر الـــــــدلال الـمـبـاهــيــر
.................... وقـــــت الــرخـــا.. ولا الـــزمـــان العســيــري
وحــيــل عــــدوا.. ويقـلـطـونـه عــلـــى الـمــيــر
................... يــقــلــط عـلـيــهــا الـمـرتــجــي والـقــصــيــري
وان جــــاء نــهــار فــيــه شـــــر بـــــلا خــيـــر
..................... وجــاهــم مــــن الـخـصــم الـمـطــرّف نذيـري
ولـحـقـوا عـلــى الـلــي مـثــل أفــــام الـخـنـازيـر
..................... الــــلــــي يــــــــردن لـلـكــمــيــن الــمــغــيـــري
حــقـــب الــعــيــون مــســودســات الـمـسـامـيــر
..................... إعــنــّـتـــه بــرحــيــهـــا لـــــــــه صــــريـــــري
وحـطــن عــلــى الـجـمــع الـمـوالــي مـعـاصـيـر
................... بـــكــــرارة مــنــهـــا يــشــيـــب الــصــغــيــري
تــشــوف جــــدع الـــــروس مــثـــل الـشـنـانـيـر
.................... والــلـــي ســلـــم مـنــهــم قـضــيــب وكـســيــري
كـــــم راس قـــــوم بـــــه نـــــوان وسـعـاطــيــر
..................... فــــرّش تــــراب عــقـــب فـــــرش الـحــريــري
فـريّــس مـــا هـــو صــــف حــكــي وتـصـاويــر
..................... لــيــا عـمـســت الاريــــاء وضــــاع الـمـشـيـري
وقـفـاتــهــم مــــــا يــاقــفـــه ســـالــــم الـــزيــــر
.................... بـــيــــوم عــــبــــوس قــمــطــريــر كــبـــيـــري
يــتـــلـــون فــتـــخـــان تــــهــــز الــطــوابــيـــر
..................... لـــيـــا كـــبـــرت الــقــالــه تـــحـــد الـنـحــيــري
دوشــــان يــــا جــــا الـحــكــي زود وتـقـصـيــر
..................... حــبـــل الـزعــيــم الــلـــي بـغــاهــم قـصــيــري
فـــي رأي فـيـصــل شــــوق عــكــش الـغـنـاديـر
..................... صــخـــاف الــوســـوط مـهـلـكــات الــغــريــري
الـشــيــخ ابـــــو بــنـــدر صــبـــي الـمـخـاسـيــر
..................... لا ثـــــارت الـهـيـجــاء وعـــمـــي الـبـصــيــري
تــفـــرح بــهـــم حـــــم الـشــعــاف الــخــواويــر
..................... حــــــرد الــيــديــن مــخــوضـــات الــغــديـــري
يٍـــقـــرون بـالــلــقــوات عـــكــــف الـمـنـاقــيــر
..................... بــــــرق الــطــيــور مــــــراوزات الـجــفــيــري
بـإيـمـانــهــم حـــــــدب الــســيـــوف الـبــواتــيــر
..................... الــلـــي تــلامـــع مــثـــل ريـــــش الــزعــيــري
وشـــلــــف مـضــاربــهــا تـــفــــج الابــاهــيـــر
..................... ويــبـــرأ بــهـــا غــــــل الــمــغــل الـحـســيــري
مـركــاضــهــم تــضــيـــع فـــيــــه الــمـــداويـــر
.................... يــــا مـــــا تـعــشــوا مـــــن شــنـــاح وإمــيـــري
ولا قـلــتــهــا وابــــــــي وراهــــــــا دنــانـــيـــر
..................... تـعـبــيــر... وارجــــــو الــمــعــذرة بـتـعـبـيــري
{{فرد عليه الشاعر المطيري }}
الشمري عبر عن الفكر تعبير
...............................وانا بعد عبـرت مـا فـي ضميـري
يقول احب مطير ومرافق مطير
..............................اللي لهـم بالقلـب شـأن كبيـري
عواد شوق اللي نهوده مزابير
............................. ناب الردوف اللي نهدهـا صغيـري
من روس قوم تشبع الذيب والطير
............................. أهل المواقف بالنهـار العسيـري
شمر أهل الضمّر حمات المظاهير
.............................وساع الرباع مدلهيـن القصيـري
ان شفت يا عواد بالجو تعكير
............................. ***ت يخبـن خاطـرك بالمسيـري
البعد عن دار بها صوير وعوير
.............................ترى القراد صغير يقزي البعيـري
ارفع مقامك عن مقام المثابير
............................. خباث النفوس اللي مداهـم قصيـري
سج القدم مع واسعات المعابيـر
.............................الله جعـل درب النشامـا يسيـري
شفي وشفك شوف عشب ونواوير
............................. ونخوص بالرجلين نقـع الغديـري
قفرا خلا.. عشبه يجي له دواوير
............................. ولا تشوف كود القوبعه والقميـري
وروس الهضاب الشامخات الشواهير
.............................اللي وصفها بالمقال السديـري
تشوف في عينك سناد ومحادير
.............................وتشرف على ورد العرب والصديري
يا ما حلا شوف الدبش والمقاطير
............................. سود البيوت اللي تسـر النظيـري
بيوت سمحين الوجيه المسافير
.............................اهل الصخا والجود ريـف الفقيـري
اهل الفعول الطيبـات المناعيـر
.............................فكاكـت المضيـوم والمستجيـري
اللي قراهم من حليب المصاغير
.............................ما قلطوا للضيف قوطي عصيـري
الضيف له حشمة وشيمه وتقدير
............................. ليا طب وسط بيوتهـم كالوزيـري
والحضر ما فيهم عن البدو تقصير
.............................الطيب لاهل الطيب مهما يصيري
الحضر فيهم طيبين ومشاهير
.............................فيهم رجال أفعـال شـر و شريـري
والعلم واضح ما يبا زود تكرير
.............................ارجو عسى ما احدٍ يسئ تعبيري
وصلاة ربي عد وبل الشخاتير
............................. وعدت نجـومٍ بالفلـك تستديـري
على رسول فسر الدين تفسير
.............................شفيع الامة يـوم شخـص البصيـري
وسلامتكممممممممممممممممممم
|
مسابقة !! : بدأت بقسم التربية
والتعليم المسابقة التنشيطية شاركونا المتعة
اضغط هنا للمشاهدة
مسابقة !! : بدأت المسابقة الرمضانيه
بقسم السياحه والسفر اشترك وأستمتع معنا
اضغط هنا للمشاهدة
مواضيع مشابهة
مختصرات عالم خولة
النمط الخطي
