ماذا تعرف عن العزوبية ؟!!!

تعريف العزوبيه/هي المرحله العمريه اللي يكون فيها الشاب منبوذ من جميع فئات المجتمع

تعريف الأعزب/ شاب// وبعض الأحيان بنت//
1/ مسكين
2/مطفر
3/جائع
4/مديون من جميع الناس الهندي راعي البقاله ,مغسلة الملابس,راعي المطعم لو يشوفه يقلبه دجاج شوايه
5/مضطهد
6/مريض
7/الملابس000الله لا يوريك
8/الريحه0000لاتسألون عن هذي


شقة العزوبي/ 1/الصاله0000تلفزيون,6000طفاية زقاير,3رووس معسل,ترمس شاهي,سطعش بياله منكبه,22جريده,5000دفتر (مب للدراسه لاااااااااااااا)كلها--- لنا لهم---رمز مشفر للعزاب فقط
2/غرفة النوم0000مطرحة نوم----يسمعون عن السرير بس مايشوفونه الا في التلفزيون,فنايل مرميه,ثياب وصخه,مسجل و200شريط ثلاث أرباعها جلسات,10055معلاق ملابس ,بقايا أكياس شورما,فيه باقي أشياء أخاف أقولها وما أدري الا انا مشوت

3/المطبخ0000خمسة الاف كيس بخاري,8889قوطي تونه,ومره خربوها وشرو كورن فليكس , عاد كلو كووووم وأكياس اللبتون كوم ثاني

__________________________________________________ ________
وبعد ما أخذنا جوله في شقة العزوبي ننتقل الى آخر الدراسات عن العزوبي


1/آخر دراسه أجريت في لندن عن العزوبيه ////ذالانقليز ماخلو شي حتى حنا درسونا

المهم يقول الدراسه ان العزوبيين يتعرضون للامراض والوفياة أكثر من المدخنين


يعني عزوبي مايدخن أضعف من متزوج مدخن/// الله لنا بس0000

ويعتقدون أن السبب في ضعف العزوبيين أنهم لا يلقون الاهتمام العاطفي والاجتماعي والبدني يعني محد يعطيهم وجه

لاحظو أن الدراسه هذي في لندن والفرق هناك بين الاعزب والمتزوج بسيييييييييييط (أجل وش نقول حنا)


__________________________________________________ ________
الحيين عاد أوريكم مشاكل العزاب عندنا


أكثر كلمه يسمعها العزوبي هنا هي (((((((((((((ممنووووووووووع))))))))))))


((((((((((((((((ممنوووووووووووووع )))))))))))))الكلمه هذي بعلق عليها شوي

1/إحتفالات العيد/((((((((ممنوووووووووع)))))))))مافيه احتفالات يعني طول السنه نفس الوضع واذا تبي تحتفل رح للبر لحالك والا طق راسك بأكبر جدار



2/ دخول الملاهي/((((((ممنوووووووع))))) طيب ليه يعني حنا اللي نبي نكسر الصحن الدوار والا حاطينه للعوايل بس

3/استئجار الشقق/(((((ممنووووووع)))))))ماراح أعلق على الموضوع هذا بس أبقول شوفو مساجد محطات الشرقيه في عطلة الحج الجايه

4/دخول الأسواق/((((((ممنوووووووووع)))))))))) وهذي اللي قاهرتني من جد طيب ليييييييه يعني حنا اللي نبي نكسر المحلات والا نبي نقضي البضاعه عن العوايل -----تقولون انكم مزعجين داخل السوق------فيه رجال أمن داخل السوق وأي واحد يحاول يزعج يطردونه برا----- يعني حلها سهل

وودي أقص لكم قصتي في السوق0000000قبل شهر تقريبا رحت للفيصليه أبشتري لأختي هديه المهم يوم وصلت عند الباب ويجي السكورتي وقالي يبو الشباب عوايل بس,قلت له طيب وش أسوي الحين ,قالي تعال بكرا الصبح واذا ماكان فيه زحمة عوايل يمكن ندخلك////صارت دائره حكوميه مب سوق////المهم قلت في نفسي رح ياولد شف لك سوق ثاني يمكن يدخلونك
وتوني بمشي الا يجي ذاك اللبناني الحمر بعمري تقريبا ويدخل ولا قاله السكورتي شي ,واسأل السكورتي هذا يشتغل هنا ,قالي لا , قلتله طيب ليه دخل ,قالي هذا لبناني,قلت يعني مب رجال ,قالي بس ذا إذا دخل يمشي باحترام لكن انتم لااااااا
عاد أنا طلعت وانا أقول في نفسي/



أرفع راسك أنت سعودي ------------غيرك يدخل وانت تنطق برا في البرد

المشكله حتى أسواقهم اللي يسمعهم يقول مجمع السييييف والا الستي سنتر
فرحو بالفيصليه والمملكه وتخب عليهم بعد00

ويقولون لنا لاتسافرووووووووووووووون برا

برا يحبون يديك ورجليك عشان تدخل السوق 000وأسواق برا مب زينا نصها سكورتيه والباقي يدورون0000برا تروح للسوق كنك رايح لطلعه سينما,ومطاعم,وماركات,وأسعاااااااااار معقوله,وكله كوووم واذا كان فيه مهرجانات كوم ثاني0000جوائز واستعراضات وأشياء تاخذ العقل000




المهم نرجع لموضوعنا----أكثر عباره تهستر في العزوبي هي:
للعواااااااااااااااااااااااااااااااااااااااائل فقط
العباره هذي تسبب لهم حساسيه في المعده مع حاله من فقدان الذاكره المؤقت مع صداع نصفي متقدم وبالاضافه الى روماتيزم في الشفه السفلى (من كثر ما يعض عليها من القهر)


__________________________________________________ ________



العزوبي والقطه(القطه بفتح القاف وهذا مصطلح في معجم العزوبيين يعني رسوم الاشتراك)-------كل الترانزليشن هذا عشانك يا((((مي)))) داري ان الغربه مأثره عليك
القطه هي كلمه تسبب الحساسيه للشاب الاعزب وهناك أنواع متعدده من القطه منها:
1/قطة الشقه (وهذ غالبا ماتكون قاصمه للظهر)يعني يبيع سراويله عشان يكمل المبلغ

2/قطة الاكل (وهذي لايسمح لك بتناول اي طعام أوشراب الا بعد دفع قطتك فيها

****كل حياة العزوبيين قائمه أساسا على القطه*****
أكل,شرب, نوم, ملابس,كتب ,طواقي,شمغ,حتى السراوييل



__________________________________________________ ________

العزوبي والسفر/ السنه فيها 365 يوم لا يعيش الاعزب مبسوط فيها سوى 20يوم

بالعربي يعني345يوم وهو يجمع الريال فوق الريال عشان اذا جاء الصيف يقدر يسافر للخارج

عاد العزوبي هنا منقطع مايشوف الا الديانه والا الدكاتره اللي مضطهدينه والامديره في الشغل اللي حايس مريره ,,,ولو يكح جمب عايله قالوله أنت تغازل بناتنا ,,,,,,,,,,,ولا يدري عن شي أسمه حنااااااااان
وأول مايوصل برا ويشوف العيشه ما يصدق وتضيع علومه واي وحده تقوله أحبك يصدقها ويأمنها على كل شي ومايدري من بكرا الا وهو مطفر عالحدييييييييييييده وضاعت فلوس 345يوم ولا معه حق التكسي للمطار وذالحاله صادفتهم كثييييييييييييييييييييييييييييييييييييييييييييير


تحياتي

شد حيلك يابو الشباب وتزوج
وتصير من ذو العاهات سوري قصدي العائلات
وهذي دقني اذا ماصارت كلمة السوق تجيب لك الاشمئزاز وجفاف الجيوب

ههههه

شوف قناو انجوم واتعب

الاعزووووووبي شرات هذا ــ:(

تبي نصيحتي خلك اعزوبي
اشلك بالمرأه وعوار الرأس

هههههههههههه

قواك الله ... الله يساعد العزابيه

< ------- مو جنه هي منهم