اعتزال فنانـــــــــــــــــــــــــــة

تحياتي للجميع


مزنة الفاهية ولدت في وسط عائلة ميسورة الحال وكان فن التمثيل

يسري في عروقها منذ نعومة اظافر اصبعها الدبي

حتى انهم ذكروا في بعض الروايات انه من حبها للتمثيل اول ماولدتها

امها كانت طالعة من بطنها ومسويه نفسها ميته حتى ان الدكاترة

اعتقدوا انها ولدت وهي ميته من اتقانها للدور وماهي الادقائق

حتى كعت مزنه ضحكة بعد مارحمت امها اللي طقها الوهم Tpb01

فمنذ تلك اللحظات التاريخية اكتشف الجميع ان لهذه الفتاة مستقبل

موب صاحي في التمثيل

مرت السنوات وكبرت مزنة وكبر حلمها معها حيث كانت تطمح بالوقوف

امام فريد شوقي وعادل امام والطقة اللي انتم خابرين .

بعد ان صار عمر مزنة عشرين سنة جاها احساس ان موهبتها الفنية

سوف تموت لأنها مالقت اللي يتبناها فنيا . طبعا هي بغت تشارك في

طاش ماطاش لكنها قالت : يابنت اعقلي بس وترا القصبي والسدحان

مافيه امل يعطونتس دور بطولة لانهم مكوشين على كل الحلقات وبعدين

انا طموحي اكبر من هالسياحيين واصلا فنهم مايناسب تطلاعاتيTpb0

( موسيقى تصويريه فيها اثارة داخلن معها صوت ربابة وواحد يبتسي).

وفي ليلة بزغ فيها نور القمر وانطفأت الشموع لأن الكهرب كان طافي

همن اشتغل قررت مزنة السفر لمملكة مصر الشقيقة <---- غاشينه بالجغرافيا

قررت السفر لكي تنقذ مايمكن انقاذة من فنها اللي تحس انه بدأ يخلص

وفعلا ذهبت مزنة الى القاهرة واستأجرت لها شقة حول المدينه

الاعلاميه اللي دايما يصورون فيها الافلام

وبدأت تترزز امام الممثلين والمخرجين وتتميلح قدامهم . وماهي الا ايام

شوية حتى بزغ نجم مزنة مع انها مابعد مثلت لكن من كثر ماترزز عروفها

قررت مزنة تغيير اسمها من مزنة الفاهية الى ميرفت فهمي واللي

اقنعها تغير اسمها هي الفنانة فاتن حمامة . ايه نسيت

اقولكم ان مزنة طقت صداقة مع فاتن حمامة وصارت تمون عليها بعد

لدرجة انها من زود الميانه يقولون ان مزنة تمعط شعر فاتن حمامة وهي

نازلة مع الدرج الا لقوا اللفت خربان Tpb04

وفي يوم كانت ميرفت اللي هي مزنة سابقا معزومة عند صديقتها فاتن

على الغداء وكان حاضر هالعزيمة المخرج الكبير يوسف شاهين وطبعا

من الطبيعي ان ميرفت بدأت في التميلح وخفة الدم اللي مدري وش

تبي والله لايهينها فاتن بعد ماقصرت مغير تمدح في ميرفت وفي

موهبتها الفنية وانها حققت بطولة العالم في فن لعب الكيرم والمصاقيل

ثلاث مرات متتالية

انبهر يوسف شاهين بهذه الشخصية واعجب بها وقرر انه يسدح لها

دور البطولة في فلم من اخراجة واللي بيلعب معها دور البطولة هو الفنان

عادل امام.

في هذه اللحظة ميرفت بغى يغمى عليها وبدأت تسوي حركات

ببراطمها غير طبيعية ولو ان فاتن حمامة ماجلست تغمز لها وترجفها من

تحت الطاولة كان هون يوسف شاهين عن ترشيحة لها

فشكرت ميرفت يوسف شاهين وقالت : الله يعافيك يايوسف ويسنع

امرك والله يخلي لك عييلك ماقصرت يامال الغناة

وجاء يوم التصوير المرتقب وذهبت ميرفت مع فاتن اللي رايحتن تجسرها

دخلت ميرفت الى موقع التصوير وهي واثقة من نفسها وقرت النص

بشكل سريع وبدأ تصوير المشهد الاول .

الحق ينقال ان ميرفت كان لبسها ساتر ومحتشم

وكان اول مشهد يصورونه هو امام الفنان عادل امام وكام مشهد

رومانسي يعني كانت ميرفت هي زوجه عادل امام وهو توة جاي من

السفر وبيسلم عليها ويقول: ازيك ياحبيبتي وحشاني موت وقرب خشته

لخشتها وجها لوجه وهو مغير يرطب براطمة لانه ناوي يبوسها وماامداه

يقرب خشته لها الا وذيك الرفسة اللي جايته منها وخذ ياتشويت وبدأت

ميرفت بالصراخ : وش تبي تسوي ياقليل الادب عمى يعمي قلبك

يالداشر ياباالحبحبة انزلع جعلك الفليت اللي يحشركTpb04

عادل امام طلع في راسة الف علامة تعجب وبدأ يصارخ هو بعد : ايه دا

يااستاز يوسف ايه اللي بيحصل ده .. ايه اللي انا شايفه ده؟ معئولة

قايب وحدة تمسل ومش عايزة تنباس؟؟؟

طبت في هذا الوقت الفنانه فاتن حمامة وجلست تتأسف من عادل

امام ومعطت ميرفت مع شوشتها وطلعتها برا الاستيديو Tpb08

وبعد محاولات مستميته انهم يلغون مشاهد الحبحبة رفض عادل امام

وقال يااما فيه بووووس والا مش حأامسل .

شكت ميرفت بعادل وقالت وش عندة معزم على الحبحبة الا انه ناوي

نيتة شينة الله يكفينا شرة وقررت انها تعتذر عن تصوير الفلم .

ولأن ميرفت نيتها زينه قررت فاتن حمامة تنطل وجهها على المنتجين

يدبرون لميرفت فلم مافيه حبحبة ولا لبس قصير لكن للأسف مالقوا لها

شي الا واحدن من المؤلفين قال عندي لها فلم مع سمير غانم ومع

محمد هنيدي وكم فنان معروفين لكن تراه فلم اذاعي Tpb05

اصيبت ميرفت بصدمة فنية عنيفة ادخلت على اثرها للمستشفى

وجلست لها فيه تقريبا شهر ولا احد زارها من زملائها الفنانين اللي في

الوسط الفني اللي بغت تمثل معهم لولا ان عادل امام الله يهديه

مسكت معاة على الحبحبة Tpb05

وقررت ميرفت انها ترجع لاسمها الاول مزنة الفاهية بعد ماقررت انها

تعتزل الفن نهائيا لانها حست ان الفنانين يحاربون نجوميتها اللي بغت

تسطع في سماء النجومية Tpb01






تحياتي للجميع تحياتي للجميع

طيب

شكرا لك

الف شكر