|
موقف ظريف؟؟
صابح الخير لأحلى أعضاءالقروووووووووب (الي يدخلون بعد الساعة العاشرة صباحا بتوقيت الرياض وحولها )
مساكم الله اخواني واخواتي بالخير( الي يدخلون بعد الساعة 12 الظهربتوقيت الرياض ).
<--- لا الظاهر إنك محشش
محشش ولا شارب
شارب ولا لحيه لحيه ولا صدام
صدام ولا عرفات
<---يا ششششين التميلح كمل وبلا خفه دم
عاد انا بدخل بالموضوع على طول
على طول ولا على عرض
( يا صبر الارض )
المهم اخواني انا في يوم من الايام كنت طفشان وزي العاد اذا طفشت وين اروح
اروح لم الحمام عشان افرغ ما بي من طفش
وادخل الحمام وانتم بكرامه وابدا اغني والعب بالمويه على الجدار واتخيل طيارات وابدا احاربها بالمويه
وهبال الله بس يعافيني ولا يبتليكم وانواع الازعاج والقلق الين ما طلع لي نور غريب وبدت تطلع اصوات
ما دريت الا طلع لي واحد من الفتحه حقت البزبوز <--(بدا النصب )
( البزبوز = الحنفيه ) <--(لإخواننا المقيميين خارج مدينة الرياض )
ويطلع واحد منها شكله رسمي ولابس بلوزه مخصره
وعليه عيون تذبح ولا الوجه ماشاءالله عليه ولا توم كروز
بس المشكله الي فيه اسمه اسمه( سحلول بن خشنفر دقن النمله) هو ماشاءالله عليه طلع وقال الإسم قبل مايسلم
طلع لي وقالي:
يا ابن الناس انت وش فيك ما تخلي احد يستريح ما بقى جني صغير الا وقومته من النوم ترى وراهم مدارس
وما خليت ولا جني متزوج يتهنى مع حرمته ما غير صراخ وترشيق مويه وتغني من زين صوتك
يعني انا بصراحه وقتها حسيت انه هزئني وقعت اناظر بالارض بعدين استجمعت قواي وقلت له انت من انت عشان تتكلم معي بالهجه هذي؟؟<--(طبعا رجولي وقتها ماكانت ترتجف )
قالي: انا مندوب من وزاره الشؤن حقت الجن جايتنا شكوه عليك انك غاثهم ومزعجهم وجيت ابي اعرف وش سالفتك
عاد انا قلت: له ياخي وش تبين اسوي من الطفش الي بي مليت مدري وش اسوي لا فيه مكان يضيع الطفش عندي غير الحمام
قالي :طيب وش رايك تطلب مني طلب وتريحنا من ازعاجك قلت له خلاص ابيك ابيك ابيك واقعد افكر لين طقت براسي فكرة
وقلت له : تدور لي مفتاح موتري ضايع
حسيت انه حقد علي وقام يناظرني بنظرات بايخه وقالي الحين انا جني بمرتبه مسؤل اقولك اطلب تقولي ابي مفتاح سيارتي
ويقولي:اسمع بس انت شكلك ولد فقر ولا عندك طموح انا بسويلك شي بيشيل عنك الطفش
قلت له : وشو؟؟؟
المهم قالي:
بخليك مخفي
انبسطت انا وقلت له: الله يعني اصير داخل المنتدى ولا احد يدري عني
قام وناظرني بنفس النظرات الي قبل شوي
وقال: لا يا جنط ( يذب علي مسوي يمون يبين العطه على جبهته )
قلت له: يعني وش لون اصير مخفي بالشات؟؟<--(هذا حده منتدى وشات بس )
قالي: لا يا غبي اظاهر اني اتكلم مع هدر ما يفهم
قلت: له طيب وش لون؟؟؟
قالي: بخليك تتمشى باي مكان ولا احد يشوفك فهمت
قلت له: ايه وانا مبسوط مع اني ما استوعبت
المهم
الرجال قام يبربر علي بكلام وطلاسم انا مدري وش معناها ويشر علي الا يوم بدت تدور الدنيا بي وقامت تطلع بعيني انوار وحركات العيد الا يوم قالي خلاص انت الحين مخفي
وانطلق وارجف باب الحمام واطير لم غرفتي واكتب ورقه لميمتي اني بسافر اسبوع مع اني متأكد انها بتقول ارتحنا منه
وقعدت افكر وش اسوي بالخاصيه الجديده الي عندي وش لون استفيد منه
المهم قلت بروح اجلس عند امي هي ويا عجزها الي تجمعهم كل صبح واشوف وش يسوون
واروح لمهم والقى القروب حق امي مجتمعين وعندهم كراث وخس وفصفص وشاهي ونعناع وزنجبيل عشانا بالشتاء
واجلس ابي اسمع وش يقولون الا القاهم انواع الحش في خلق الله ما خلو احد في حاله ومافيه الا انواع الذبوما قهرني الا وحده منهم كانت تطنز على وحده وتقول ( الا ماشفتو ام سليمان وش تقول هي وذنها الي كنها بقايا خبزه)
وهي ما شافت شعرها الي منتفش كنه شله خوال يلعبون بلوت ( خوال = عبيد شديدي السواد )
وتقفل معي من حشهم البايخ واروح لم ابوي ويا اخوياه بالمجلس والقاهم حاطينه على قناه الجزيره وقاعدين يحللون الوضع الراهن بالبلدان العربيه الي يشوفهم يقول كوفي عنان وشلته
ولا تجوز لي سوالهم واروح لم اخوي الزاحف راعي التفحيط واطلع والقاه متكي مع شله عرابجه بدوعند زاويه البقاله وهم يوصفون واحد مر ويقولون (ابك شفه يا زقينه زقيناه) وزقينه زقيناه انا بحثت
في معناها وصار معناها ( في غايه الروعه )
ولا وهم يتكلمون عن التفحيط وواحد منهم يقول ابك هو ما يعرف يفحط بس الماخوذ الي معه هي الي مساعدته (الماخوذ = ضمير مبتكر يدل على الشيء الي هو الكامري الي يتكلمون عنها ).
وعاد انا ما احب البدو فمليت من سوالفهم ورحت
رحت احقق امنيتي الي هي اني ادخل ثانويه بنات رحت وانا مبسوط ان امنيتي بتتحقق
وادخل الثنويه وادخل ازحف فصل فيها واتفاجئ بالمنظر لقيت الفصل كنه خطه السعوديه
(5-4-1 ) وطبعاٍ الواحد الي هو سودانيه باول الفصل وباقي الفصل كلهم مجتمعين ورى
وكانت توها جايتهم طالبه جديده اول ما جلست عاد هي بتسوي دافوره جلست جنب السودانيه
الا يوم التفتت عليها السودانيه وقالت لها ايش رايك تكوني صديغتي البنت ارتاعت من شكل السودانية وبلعت العافيه وقالت ارجع ورى ويوم رجعت ورى قابلتها مندوبه زعيمه الفصل وتسحبها مع يدها وقالت لها تعالي اعرفك على الزعيمه وتروح لم الزعيمه وتقولها البنت اعرفك على سامبو زعيمه الفصل عاد سامبو هذي هي وحد عيب تقول عليها بنت لانها ما تشبه الباقيات الا بلون المريول وتلتفت عليها الزعيمه وتقولها انتي معنا ولا علينا عاد البنت طبعاً بلعت العافيه وقالت معكم وخذلك اول ما دخلت المدرسه عليهم انواع التعليق والاقلاع فيها عاد انا في ذيك الحظه بعد ما حققت امنيتي خلاص قلت ابطلع لاني مليت من البنات ومن اسألتهم وسوالفهم البايخه ولا فيه وحده تسأل وش لونك المفضل انا لو يسألوني اقولهم الفوشي مع اني مدري وشو الفوشي بس ودي اقول اسمه عشان اعرف انا اعرف انطقه ولا لا
وفي النهايه بعد ما لفيت كل ذي الفه مليت قلت وين ولد جارتنا أم سليم قلت بتسلى عليه لاكن للأسف طلع للبر هو وشيبته قلك يخيمون
وارجع لم الحمام واقعد انادي على سحلول ولا يرد علي واقعد العب بالمويه واصارخ واناديه لين جاني وهو ما عليه الا فوطه لافها على خصره ويقولي وش تبي ياخي انت ما تخلي احد يرتاح اقلقتني شكله كان مع المدام عاد انا ما استحي تعرفوني قلت له يا سحلول ما فيه الا سلامتك ابببي ارجع زي اول مليت بعدين امي شكلها فقدتني ( والله ما درت عنك ) ورجعني جزاه الله خير
ملطووووووووش ؟؟ برنس الحب
--------------------------------------------------------------------------------
Yahoo! Groups Links Auctions · Autos · Briefcase
|
مسابقة !! : بدأت بقسم التربية
والتعليم المسابقة التنشيطية شاركونا المتعة
اضغط هنا للمشاهدة
مسابقة !! : بدأت المسابقة الرمضانيه
بقسم السياحه والسفر اشترك وأستمتع معنا
اضغط هنا للمشاهدة
مواضيع مشابهة
مختصرات عالم خولة
النمط الخطي
