مسج على روتانا -------- والصحافي بالمرصاد !!!

هذه بعض المسجات اللتي تعرض في الكادر على شاشة روتانا الغنائيه والغريب في الامر ان المسجات وبأعتقادي انه لايوجد عليها رقابه اي انه اي مسج يوصل يوصل كما هو دون القراءه او معرفة المحتوى وانا اقراء المسجات في الحقيقه منها المضحك والمبكي في الوقت ذاته (( والحقيقه ناس ضايعين لآخر حد )) فيها مسجات صعب قراءتها وفيها مسجات فاضحه وأخطاء املائيه حدث ولاحرج وللعلم قيمة المسج بالكويت 400 فلس يعني قيمة وجبه في مطعم نبع العصير حسافه بس هالفلوس اللي تروح على التفاهات هذه واليكم حصاد اليوم من المسجات وانا علقت عليهم 00 لانهم ((باطين جبدي))000



1- رأفت شاب مصري يرغب في التعرف على فتاه كويتيه تعرف معنى الحب الحقيقي 0000(( اخاف حقيقي بس والله انك تحوس على فلوسها يامصري))


2- روضه ردي لايكون خلص رصيدك ابي اشوفك الليله ضروري 000(( يايبه خل روضه بحالها واذا مصمم روح صكها بركت ايزي بو 30 وريح عمرك ))


3- اهداء من ام خالد زوجتك 000((وصل ياأم خالد ))


4- انا بنوته مصريه وحابه اتعرف على شاب لذيذ 000((موجود بأي نكهه تبيه ))


5- أشرف يهدي الى اهله بالمحروسه0000 (( وصل بس شنو المحروسه))



6- غاليتي شيماء احبك مووووووت 0000(( الله يعطيك العافيه ويكثر امثالك))



7- ولد الدوحه موجود فديته ريم قطر 0000((ياعيني ))


8- ولد الدوحه موجود ياريم واذا ممكن اعطيج القلب وصاحب القلب والرقم 000(( القلب وصاحب القلب طوفناها الرقم هذه ماتترقع ياوليد فاهم))


9- هاي انا نانسي ممكن اتعرف على النمر الأسود000 ((اي عادي اتعرفي ))


10- روتانا انا بحبكم اوي << ولاء>> 0000(( وهما يحبون مسجاتج والدفع كاش ))


11- نعيب زماننا والعيب فينا 00000 (( لاتعليق))


12- هلا رولا مبروك الغساله انشالله منو للأكبر الأردن000(( السالفه فيها غسالات ياعيال ))


14- مجنون هند -- هل عندك شك ؟0000 جاسم قطر (( ابك وشهو شكه انت يامجنون انت استح ))


15- ايمن ابن الأرض يبعث تحياته وحاب يتعرف 00 اليمن (( ههههههههه يبي له بسطه ))


16- وليد الكويت خلاص انا منسحبه من حياتك ولا عاد تراسلني اسيرة الاحزان000(( لالا ليش اسيره الولد ماسوى شي عدلي بدلي ))


17- ابوقذيله ابوقذيله شبيه الريم شحليله ابو قذيله 000(( منو ابو قذيله ))


18- خاطري اعرف انا شو سويت لميمو -- والبادي اظلم000 (( بابا انته اتهدد الظاهر وبعدين الله يهداك شكبرك وتاليها ميمو00 مالت عليك ))


19- دكتور الحب الى عاشقة الاردن وينك ياحبي 000(( موجوده ياخي بس انت اللي مجعص ماتتصل يادكتور ))


20- زهره 0-0-0-0 بحبك ياماهر 000(( رد عليها ياماهر زهره تحبك ياماهر ))


21- فديت الكويتيه اللي اتصلت لي اليوم زبدة قطر 000(( زبده ولما اتصلت الكويتيه معقوله ماذبتي سؤال وجيه ؟؟))


22- اهدي كل اغنيات روتانا الى ام رعد 00 المحب للأبد ابو رعد000((ياروحي يابو رعد ))



وتقبلو تحياتي 00

صحافي خطير

هذا ولا شي واللي يبط الجبد تلاقي واحد اسمه مناحي ويقول اهداء من حليمه بولند للغالي مناحي

عـــاد من أنتـي ياحليمه بولنــد ؟؟؟

وبعديــن مانسمحلـك تقليـن أدبك على تراثنـا البـدوي زيّ (مناحي)

ياشيــن الإحـتـــكـــاك بس

thnx

:p

اخواني الهدف واضح ما يبي شي هو الاتصال والحصول على المال من مناحي من شطه من حسنين اهم شي ارسل وحاسب على الفاتوره واذا كان فيه ناس عندها استعاد تدفع خلها بكفيها

هههههههههههههههههههه

هههههههههههههههه