|
قصيده مات الي بقى
مات اللي بقى
بعد ماكنتي انفاسي بعد ماكنتي البسمات ... بعد ماكانت أزهاري شذاها من شذى عطرك
بعد ماراحت الدنيا وجابت لي الهموم وجات ... بعد ماكانت أحداقي مكان لعزك وقدرك
بعد مايبست عروقي ومات اللي بقى مامات ... ذكرتي عاشق حبك قتلتي قلبه بغدرك
وجيتيني على بالك أبرسم بالفرح لوحات ... وأهلي بك وارحب بك واقول القلب ينتظرك
وعلى بالك بعد بكتب بخفقات الخفوق ابيات ... وأقول ان السعد هلا بعد مازارني بدرك
ترى ماني على خبرك هذاك اللي رضى الزلات ... ويرضى لاتعذرتي وقلبه يقبل بعذرك
هذاك اللي شرب ذِلك وزاده من قساك آهات ... وكل اللي يقوله لك من عيوني وتحت أمرك
هذاك اللي زرع حبك بعينه وأرتوى دمعات ... وشاف إن الجزا منك هديه وأسمها هجرك
أنا قلبي غدا قاسي وصرت اشري له القسوات ... وأبيع الرحمه لناس تعيش بمستوى فكرك
وبعد اللي حكى قلبي بزيدك كلمه أو كلمات ... وأبضعها مثل عقدا يزين منظره صدرك
أحب أوصل لقلبك كلام موعده قد فات ... ترى منتي وسط عيني (وقلبي للأسف قبرك)
(.......................)
منقول
|
مواضيع مشابهة
النمط الخطي
