قصه طويله و ممله ما احد يقراها

هاااااااااااي

كيفكم يا شعب نص كم الابي ..

والله من زمان عنكم .. و احس اني قاطعه

بس حدتني الايام ... و طفح الكيل و لازم اتكلم


لالالالالالا

انا ما اتحمل ... من جد طفح الكيل ... طقت كبدي ... ما يصير كذا

يا انتحر والا انتحر .. دورلي حل

يا انا يا هو ؟؟

خلاااااااااص و ربي تعبت

صح انا مقروده

صحيح اني ماعمري فزت في جوائز السحب الا مره وحده بس

و يوم فزت .. فزت ببقره ( مسابقه حقت شركة المراعي ) بالله شسوي ببقره .. اركب عليها والا اصور معها

طيب .. بقول لكم و انتوا احكموا .... و قولي لي انتحر والا لا

انا كنت مقروده .. كنت ؟؟ قصدي الى الان مقروده

.. أي مشكله في أي مكان .. لازم اكون احد افرادها حتى لو مالي دخل ... يدخلوني فيها لاني مقروده ...

فقدت صديقاتي لانهم بدوا يتشائمون من وجودي ... صرت وحيده .. يحبوني بس ما يماشوني يخافون اقردهم

صاروا يترجوني اطلع من القسم عشان تمشي امورهم تمام من غير صعوبات

وقت الامتحان ... كلن يحط يده على قلبه يخافون يصير شي و السبب قرادتي

من يوم كنت بزر ... وانا كذا

تخيلوا .. انا كنت مسالمه( ارحممم) ... العب مع عيال الجيران وماعمري تهاوشت ( ايه هين) ... بس اتفرج على الهواشات من بعيد لبعيد ... و يوم اني مره تكلمت و رديت علي وحده طولت لسانها علي وربي طولت لسانها ... طاحت المشكله فوق راسي ... امها اشتكت لامي .. و صار مالم يحدث بالحسبان ...

ومن ذلك اليوم .. وانا الدنيا تافله في وجهي ... اضحك العب معها بس مااااااش مكشره في وجهي

سمعت عن مدرسه جديده مفتوحه توها ...مبناها خيالي و راقي .. و قعدت احن و اترجى اهلي ينقلوني فيها ... لين اقتنعوا .. يوم داومت فيها و انواع الكشخه .. احترقت بعد اسبوع .. و اضطريت ارجع مدرستي و السبب كله قرادتي

طبعا طول وانا بزر مستحيل انعزم في زواج ... يوم كبرنا شوي .. و اول زواج انعزم فيه .. وانا انواع المتشققه .. واخيرا بروح اشوف الطقاقه .. و اشوف عرس و ناس ترقص ... يوم الزواج ... ضاعت بطاقتي .. دورتها يمين يسار ابد مختفيه ... لين كسرت خاطر امي و عطتني بطاقتها ... رحت الزواج وانا كشرتي كذا

بس لاني مقروده .. و اقرد الناس بوجودي .. تهاوشت ام العريس مع ام العروس و انتهى الزواج بطلاق

كبرت شوي .. و رحت الجامعه ... و مثل ما قلت لكم الناس ما تبي تخاويني خوفا على نفسها

الا ان شفت صديقتي الصدوقه سوسو هانم ... و تنازلت عن حقوقها الانسانيه و صادقتي .. بس لاحظت من خاوتني و قرادتي زايده .. مدري العله مني والا منها

طيب سؤال .... مادري يا بنات هل حنا طبيعين والا لا؟؟ .. انا و سوسو هذرتنا كثيره اذا شفنا بعض بالجامعه نهذر و ارجع البيت ادق عليها تعقدت امي مني و منها بدت تشك وش نقولون وش تهذرون به ..
ادخل الماسنجر القاها واللي يشوفنا يقول ما شافوا بعض من سنين ...بس وربي بالمحاضرات ما نتكلم .. يوم تجرأنا ذاك اليوم و تكلمنا و بالاوراق بعد لاحظوا بالاوااارق .. طردنا الدكتور .. اكيد بيطردنا لاني عجزت افهم سوسو بلاش تحرك يدينها وعلى بالها لغة اشاره .. فضحتنا

ليه مهما يصير ما ندخل المحاضره اون تايم .. لازم نتأخر حتى لو دقيقتين
... مره قررنا لازم نحظر و ندخل القاعه قبل الدكتوره ... و نطلع من البيت بدري.. وانواع الركض .. بسرررررعه بسرعه .. و ترجتني سوسو رجه لين قالت بس .. ... يوم ركبنا الاصنصير يعلق فينا .. ولا يفتح الا بعد نص ساعه
.. بغيت امووووووت .. اكسجين يا ناس
.. سوسو طويله ماشالله و اشفطت كل الاكسجين اللي فوقي .. و بالنهايه لا حضرنا المحاضره و حسب علينا غياب و بغينا نموووت .. وش ذا الحاله ياربي

اليوم اللي نقرر نطنش المحاضره ... لازم يسأل لدكتور عنا .. و اليوم اللي نحظر فيه .. الدكتور يغيب

ما عمرنا تديفرنا و درسنا قبل الناس الا لازم ينحذف الجزء اللي درسناه .. يعني ولا كأن درسنا شي

ومره سوينا فيها الطالبنات المجتهدات .. و نروح نشتري الكتاب اللي قررته الدكتورنا علينا في هذا الكورس .. على بالنا ندرس يوم بيوم ( ياكثر ما نقولها ) شريناه قبل كل البنات .. و قعدنا نزعط فيه .. و نطالع نظرات الغيره منهم .. و يوم دخلت الدكتوره و تتقز في وجهها دكتوره شوفي شرينا الكتاب ( نبيها تاخذ فكره زينه من اول الترم) و ترد علينا و بكل بساطه :
.
.
.
.



ايه ده مش هوا الكتاب اللي انا عيزاه


انواع طيحة الوجهه .. و الفشيله .. و ياليت الكتاب رخيص .. يوم رحنا المكتبه نشتريه .. ماكان عندنا قيمته و البطاقه حقتي مخلص الرصيد و سوسو ناسيه بوكها كالعاده ... اضطرينا نطر من السواق ... و بالاخييير .. ايه ده انا مش عوزاه ... ليييه ياربي كذا


ومره عندنا امتحان مرررره صعب .. و الله العظيم طلعت من الامتحان ولا سؤال واثقه منه ... الا سؤال واحد .. الغبي الدكتور كان حاط جوابه في سؤال اختاري الاجابه الصحيحه يعني نقشت الجواب منهم .. طلعت من الامتحان و اقول لسوسو و هي نفس الشي سوت مثلي ( ياخيبتنا) ... وانواع اللي مستانسين و نقول اكييد انهم ما سووا هالحركه الا عشان ينجحون البنات ( امثالنا) ..
المشكله نطالع نظرات البنات لنا بأستغراب ... لين تجرأت وحده شاطره و قالت لنا .. لا ترى جواب السؤال مهوب مكتوب .. ماله علاقه باللي كتبتوه ... يعني بكل بساطه حتى السؤال اللي واثقين منه غلط ...
حنا هنا انهرنا و سوينا عزا بالجامعه انا اصيييييح و سوسو تصييييييح .. و قعدت الدكتوره تخمخم فينا ..و حالتنا حاله ... ليه ياربي كذا .. مكتوب علينا القراده

االيوم اللي نجيب فيه فلوس و نصير اغنيا .. ما فيه شي حلو ينباع في الكفتيريا و اليوم الطفرانين .. انواع الحلاو و الايس تي و الزعتر .. ومو بس كذا تقعد سوسو تحن علي .. ليه ما جبتي فلوس...
المره الماضيه انا اللي جبت ... طيب بالله وش دخلني انا .. هي تعرف اني اخر الشهر اكون على الحديده .. حتى لحديده بعتها

خلاص من جد طفح الكيل ..

جاء وقت التدريب .. و قلنا للمسؤوله تحطني انا و سوسو في مكان واحد .. و قعدنا و بيننا الاحلام و الامال و الوناسه .. لو كنا مع بعض

و يوم نزل جدول التقسيم و التوزيع .. انا في قلعة جدي و سوسو في قلعه وادرين .. ليه كذا النذاله ...

انا حزينه

حاولت و قاومت بيديني و رجولي .. ابي سوسو .. لين لقيت بنت حبوبه رضت تبدل معي .. و اكون مع سوسو

و ياليتي ما بدلت ( اسفه سوسو على كذا بس لازم اعترف )

اجل عمركم شفتوا احد يحب الايس كريم و و يتمنى ياكله بس ما يقدر ..
هذا انا ..
نعم انا ..
محرومه منه و السبب سوسو .. عندها حساسه و ما تتحمل البارد ياااي .. و لا ترضى لي اكل ايس كريم قدامها .. طيب وش دخلني انا انحرم منه .. تقولون طنشيها و كلي ما عليك منها
.. بقول لكم .. مره طنشتها و اكلت و من بعدها جتني انفلونزا اسبوع .... يعني مو راضية لي و يوم اكلت صكتني بعييين .. ليه يا سوسو ..؟؟؟

مره عندنا امتحان .. و تدق علي سوسو و تقول ترى هالجزء مستحيل يجي ... كل السنين اللي قبلنا ما جاهم .. وانا اقول لها طيب نذاكره وش دراك يمكن يجي هالمره .. و هي مصره لا .. لا تذاكرينه وشو له نضيع وقت

و مليون طعش مره تدق علي .. هاه ذاكرتيه .. لا تذاكرينه ..المهم سمعت كلامها ولا ذاكرته...

و يوم الامتحان .. اول سؤال كان... عن هذا الجزء .. ومو بس سؤال .. تكلمي و بالتفصيل عنه المشكله اناظر سوسو وهي تكركر .. ابي اعرف وش اللي يضحك ...

ليه يا سوسو دايم تنكبيني ليييه

يوم صار عندنا صديقة ثالثه مستلطفتنا .. كانت حبوبه بس بيني و بينكم ثقيلة دم و حركاتها كلها ياااااااااااي ما كنا نحبها ( تذكرينها سوسو ) مره عزمتنا و متحمسه البنت ... و ترسل لنا مسجات و تقول .. هاي بنات لا تنسون موعدنا اليوم .. و لا تتاخرون باي حبايبي ..
و تجي الحلوه( سوسو) و ترسل لي : مهيب للبيع مالي خلق اروح لثقيلة الدم هذي .. خلنا ندور عذر و لا نروح ...
شوي الا تدق علي سوسو .. ليه مارديتي على مسجي؟؟
انا: ما وصلني شي ..
طلعت الحلوه ( سوسو) راسلته للبنت بالغلط

انهبلت انا .. و تبي ترقعها سوسو .. و ترسل للبنت .. معك برنامج صااااااااادوه .. لا والله من زين الترقيييييع ..
ليييه يا سوسو كذا فشلتينا

البنت مسكينه اخذت موقف بس قلبها طيب و سامحتنا ... و بعد فتره عزمتنا .. بس تعذرنا بعذر الدراسه (كالعاده) و ووصيت سوسو لا تتفلسف و ترسل مسج ..
و كنسلت عزيمتها .. و في نفس يوم عزيمتها طلعت انا و سوسو و كان اخر توقعتنا نشوفها في المكان اللي رحنا له
... ومن بعدها البنت لا تكلمنا ولا نكلمها .. فشيله فيها

ما نستاهل احد يستلطفنا



سوسو انسانه رهيبه ... بس توصل فيها المواصيل بسببها يكلبشوني الشرطه ... وربي لوما الفشيله والا كان ذكرت لكم وش سوت لي


بس مع كذا تبقى صديقتي الصدوقه اللي رضت تخاوي مقروده

بايوووو