|
قيام الليل شرف للمؤمن
قيام الليل شرف المؤمن
ايه ياجماعه احنا نايمين فى العسل كده ليه ليه منشغلش الجمجمه شويه لله ولا الدنيا خدتنا بالطريقه المقززه دى المهم احنا كويسين وحلوين بس عاوزين نقرب من ربنا كمان شويه لعل الله يرحمنا لان ربنا مش محتاج مننا حاجه بل احنا اللى محتاجين ليه وانا عارف ان المؤمن بيحب ربنا وعلشان ربنا بيحب النبى (ص) هو كمان بيحبه لحب الله للنبى(ص) باختصار الصحابه والتابعين الصالحين كانوا فرساناً بالنهار رهباناً بالليل لذلك اسمع لكلام حبيبك محمد(ص)
قال (ص)
أتاني جبريل فقال : يا محمد ! عش ما شئت فإنك ميت و أحبب من شئت فإنك مفارقه و اعمل ما شئت فإنك مجزي به و اعلم أن شرف المؤمن قيامه بالليل و عزه استغناؤه عن الناس .
شوف بقى كام مؤمن فرط فى شرفه وطبعا المؤمن مش اللى جنسه ذكر بس لأ ده الذكر والانثى
طيب ليه القيام شرف المؤمن ؟
لو تلاحظ ان النبى (ص) حثنا على ان احنا لو قضينا الصلاه الفرض فى المسجد فلنجعل لبيتنا نصيبا من صلاتنا لان الله يجعل للمسلم بها بركة ( كثير منا يظن ان الحديث يحث على ان نجعل بعض الصلوات فى البيت وهذا خطأ شنيع ونصيحتى الا نحكم على شئ من ظاهره ولكن لابد ان نبحث ونبحث لعل فهمنا كان خاطئ لها) فصلاة المسلم فى بيته فيها الخير الكثير لانه لا أحد من الناس يراه وهو يصلى فبالتالى خشوعه مع الله فى هذه اللحظه طبعا واكيد خشوع صادق خاصة فى جوف الليل ولان اكثر الناس اما نائمون او ساهرون على التليفزيون او فى معصيه لله او فى لهو ولعب وعدم ادراك وسبحان الله ان الليل خاصة الثلث الاخير من الاوقات المجاب فيها الدعاء بإذن الله لذلك ان عاوز نشد حيلنا ومنقولش الناس كل حاجه بنجيب فيها الناس واحنا مفروض ان احنا نبقى عارفين ان الواحد لو اتبع اكثر كلام الناس لضل ليه؟!! اقولك ليه افتح كتاب ربنا ستجد ان هناك ايات كتير جدا توضح ان أكثر الناس لا يشكرون - لا يعلمون – لا يؤمنون – فى ايات كثيره وأيضاً
(وَمَا أَكْثَرُ النَّاسِ وَلَوْ حَرَصْتَ بِمُؤْمِنِينَ) (يوسف:103)
(وَلَقَدْ صَرَّفْنَا لِلنَّاسِ فِي هَذَا الْقُرْآنِ مِنْ كُلِّ مَثَلٍ فَأَبَى أَكْثَرُ النَّاسِ إِلَّا كُفُوراً) (الاسراء:89)
(وَلَقَدْ صَرَّفْنَاهُ بَيْنَهُمْ لِيَذَّكَّرُوا فَأَبَى أَكْثَرُ النَّاسِ إِلَّا كُفُوراً) (الفرقان:50)
المهم ان الواحد يعمل ويجتهد ويشد على نفسه لاننا لو تكلمنا فى قيام الليل وقصصه مع الصحابه والتابعين والصالحين ستندهش وهتقول يااااااااااااه !!! انا فين من الناس دى ؟؟؟ اقولك ليه منحاولش ان احنا نعمل زيهم لكي يرضى الله عنا والحديث ده علشانك يالا نسمع
قال (ص)
من قام بعشر آيات لم يكتب من الغافلين و من قام بمائة آية كتب من القانتين و من قام بألف آية كتب من المقنطرين .
قال (ص)
إنه من قام مع الإمام حتى ينصرف كتب له قيام ليلة .
طبعا ده اجر عظيم جدا وكل واحد على قدر حبه لله يقدر يقيس عمله بقيام الليل لانها تعتبر المصفاة التى تعلمك كيفية الخشوع بين يدى الله جل وعلا وربنا يهدينا لما يرضيه
ومتحاولش تكسل لأ ابدا من النهارده وادعى ربنا ومش هقولك جرب الدعاء لأ انا هقولك خلى عندك ثقه بالله بإن ما تدعوا به مستجاب بإذن الله
قال (ص)
ادعوا الله و أنتم موقنون بالإجابة و اعلموا أن الله لا يستجيب دعاء من قلب غافل لاه .
علشان كده الواحد على الاقل لازم قبل ما يقول انا دعيت ربنا ويحس ان ربنا مقبلش منه وهذا خطأ كبير.
طبعا مفروض يفكر ويقول انا وانا بدعى ربنا الاله العظيم الجليل الكريم كنت بدعيه ازاى ؟ وكل واحد ادرى بالاجابه على هذا السؤال.
واحنا ربنا انعم علينا كتير مش قادرين ان احنا نغذى روحنا ونريح انفسنا.
لان الانسان من روح وجسد اما الروح فغذائها العباده لله والتذلل اليه واما الجسد فغذائه كما نعرف كلنا الاكل والشرب والازى منه وكل ما لذ وطاب ووضع على السفره وللاسف ده اللى احنا فالحين فيه ، وبعدين نشتكى ان احنا تعبنين نفسياً على الرغم من اننا شبعانين على الاخر وبطننا ايه هتنفجر من الشبع !!!بس مش عارفين ليه فينا الحزن مهما فرحنا والهم مهما ضحكنا طبعا اكيد عرفنا الاجابه دلوقتى وهى ان احنا نسينا روحنا وشوف انت بقى ومقدرتك شوف هتشبع روحك أد ايه الليله دى وهدوقها كام آية من كتاب ربنا واعرف ان الروح تأكلها زى ما انت عاوز عمرها (لو كانت تعلقت بقيام الليل والعباده لله) ما تقولك كفايه كده دا انا شبعت لأ طبعا
قال (ص)
من سره أن يستجيب الله له عند الشدائد و الكرب فليكثر الدعاء في الرخاء .
والواحد منا اقل شئ يبص لنفسه ويقول لو ربنا خد منى رجلى هل فى حد هيعوضها ليا ؟ لو خد عينى ؟ لو خد سمعى ؟ لو خد لسانى اللى عمال اتكلم بيه عمال على بطال ولم استحى واتكسف على دمى بان الملابس اللى انا لابسها بتذكر الله أكثر منى ؟والقلب اللى شغال ده هل هو شغال بانشغال بالله ام لا؟و.. و. .و ..و ..و..وهل وهل وهل ؟ اسئله كتير متلقيش الاجابه الا ومليانه تقصير مننا نحو الله وطبعا أعظم نعمه انعمها ربنا عليك هى نعمة الاسلام وكفى بها نعمه لان من كتب الله له الجنه وكان اعمى او اعرج او رجله مقطوعه او او او000 فإن الجنه ليس بها شئ من هذا ولكن كل من فيها بصحة وطمأنينة نفس وارتياح بال اما الكافر لو ربنا اعطاه بدل اليدين عشره وبدل العينين مائه وكتب الله له الشقاء خلاص بقى مفيش حاجه من دول هتنفعه والناس مش هتنفعنا ولكن العمل العمل العمل والاخلاص الاخلاص الاخلاص لله عز وجل.
وفى الختام وليس النهاية ان شاء الله نذكر بعض ببعض الاحاديث لعلنا نكسب من ورائها عملا صالحا وخالصا لوجه الله او نعرف معلومه جديده وربنا يهدينا الى ما فيه الخير
قال (ص)
أفضل العمل الصلاة لوقتها و الجهاد في سبيل الله .
أفضل العمل الصلاة لوقتها و الجهاد في سبيل الله .
اكلفوا من العمل ما تطيقون فإن خير العمل أدومه و إن قل .
إن الله تعالى لا يقبل من العمل إلا ما كان له خالصا و ابتغي به وجهه .
خير العمل أن تفارق الدنيا و لسانك رطب من ذكر الله .
إنما سمي القلب من تقلبه إنما مثل القلب مثل ريشة بالفلاة تعلقت في أصل شجرة يقلبها الريح ظهرا لبطن .
من حوسب يوم القيامة عذب قالت عائشة : أو ليس يقول الله : { فسوف يحاسب حسابا يسير }? قال : ليس ذلك بالحساب إنما ذلك العرض و لكن من نوقش الحساب يهلك
يقول تعالى (إِنَّكَ لا تَهْدِي مَنْ أَحْبَبْتَ وَلَكِنَّ اللَّهَ يَهْدِي مَنْ يَشَاءُ وَهُوَ أَعْلَمُ بِالْمُهْتَدِينَ) (القصص:56)
ولا تنسونا من صالح دعائكم خاصة فى قيام الليل واعلم ان الدعوة بظهر الغيب مستجابة بإذن الله ويوكل الله لك ملكاً فيقول ولك مثله
والسلام عليكم ورحمة الله وبركاته
محمـــــود
|
هام ومميز : بدأت بقسم السيارات
المسابقة الاولي من نوعها وسوف تكون الجوائز قيمة
اضغط هنا للمشاهدة
مواضيع مشابهة
مختصرات عالم خولة
النمط الخطي
