شلون تعرف السعودي (( الحساوي ))

السلام عليكم والرحمه ...



شلون تعرف السعودي (( الحساوي ))


1- إذا صلى الفرض وانتهى من صلاته .. وانتهى من التسبيح التفت على اللي في يمينه وسلم عليهم والتفت على اللي في شماله وسلم عليهم.



2- إذا شافك وقابلك في الطريق سلم عليك سواء كان يعرفك او ما يعرفك.


3- إذا جاورته ما لقيت من وراه اذيه , يعني ارقد و آمن.


4- تلاقيه بسيط , طبيعي , سموح , وسيع صدر , وعلى نياته.



5- إذا طق عليك الباب أعطاك سله فيها رطب خلاص أو غيره وإذا جى وقت الصيام ما نساك من التمر الزين.


6- تلاقيه غارس في بيته فسيله وتشوفه مهتم فيها بنفسه.


7- تلاقي عنده سيارتين , الأولى كابرس يروح عليها الشغل , و الثانية سوبر حق طريق مكة.


8- تلاقي طموح أبناءه إذا تخرجوا من الجامعة انهم إما يصيرون مدرسين في الحكومة أو مهندسين في شركة ارامكوا , و أزيدك من الشعر بيت .. كل واحد منهم يبي يتزوج مدرسه ويسكن في شقه لحاله.


9- اجتماعيا من الطراز الأول , يعني ما تمل من سوالفه.


10- يزعل لكن قلبه ابيض بسرعة ينسى و علشان كذا ما تلاقيه حقود .. وإذا كان حقود يعنى شاذ عن القاعدة.


11- إذا شاف شي غريب أول مره يشوفه أو يسمع فيه .. قال .. الله شذ شذا ..


12- إذا قلت له .. على كيفك .. رد عليك وقال.. ما يحصل.



13- إذا جاء شهر رمضان طق عليك الباب و عطاك صحن هريس من طبخ أمه ..


14- إذا طلع تقاعد .. تلاقي طموحه عمارة في الخبر أو الدمام .. و مزرعة في الحسا فيها بركه سباحة .. وتنور حق المندي.


15- يخاف من العين .. علشان كذا تلاقيه يقول لك .. قول ما شاء الله.



16- إذا كان ساكن في الدمام , الخبر , الظهران , الجبيل أو أي مدينه أخري , وجا ء يوم الأربعاء حرك ونزل الحسا , و فوق كذا يحب يقضي العيد يم أهله وجماعته هناك..



17- ما ينساك في العزايم والمناسبات , يعرف الأصول وكريم.



18- يستانس وينبسط الى من شاف له ناس من أهل الحسا ..


19- يحب يقراء اللي ينكتب عن الحسا ويه . . و علشان كذا قراء كل الكلام اللي أنا كتبته من 1 الى 19 ..
منقول

الله الله عليك اخوي محمد مشكور نريد مزيد من مشركاتك الحلوة