قصيده بعنوان ( سويد الوجه ) أتمنى من الجميع المرور

الدار دار السعود ولابها منّه *** بالسيف عبد العزيز أرسى قواعدها

دوله ودستورها القرآن والسنّه *** الله عن الشرك وأهل الشرك يبعدها

يا زمرة الكفر والعصيان ما ظنّه *** القتل والذبح والتفجير ير عدها

مهما تسوون حلم إبليس بالجنة *** والشعب كله يضّحي لأجل يسعدها

واللي نوا الغدر فيها ينكسر سنّه *** ويوطا على غاربه لين يتوسدها

لعل يصحى ويفيق فليت بن قنّه *** يبعد عن الشر وأحلامه يبددها

منا وفينا سويد الوجه لكنّه *** غرربه إبليس ودروبه يمهدها

الله أمر بالجهاد ولا نهى عنّه *** عندك كبار المشايخ ذيك وإنشدها

لكن بدارك تثير الرعب وتشنّه *** هذا أسمه إرهاب دام أهلك تهددها

شف غيرك من الشر ذام وين ونّه *** أفعاله اللي زرعها قبل يحصدها

لا بارك الله باللي ما يردنّه *** آيات رب العباد و لا يرددها

ما دام بعض الفتاوى ذيك غرنّه *** من ناس ما خافت الله من موالدها

خله يولي فلابه فايده منّه *** والزمره اللي معه محدن بفاقدها

يالله ملكنا فهد بالعافيه هنّه *** وخطاه بالخيرات سددها


الرئي لكم والنقد لكم و الرد بالتعديل لكم والرد بزياده الأبيات لكم .

على الرحب والسعه