ثصة حب (مشاعل وضاري)

كان ضاري يتمشى بسوق شرق وكان ضاري غاية بالوسامة والجمال لين ما أصابة الغرور من نظرة

الناس لة وخصوصا البنات وكانت نظراتهم يلاحقونة وين ماراح وفجأة مرت من جدامة مشاعل

وما عطتة أي اهتمام ولا حتى عبرتة000لكنها خلتة متجمد ومبطل عيونها مايبي يحرم عيونة

من الجمال أقصد الغزال اللي مر جدامة000هذي البنت ماعبرتة رغم جمالة الملحوظ بشكل كبير

لكنها تجاهلتة000ماصدق ضاري اللي يصير جدامة هذا الانسان المغرور بنت تسوي جذي فية

حس أنة يحلم بالبداية000لكنة بسرعة صحى ولقى نفسى بالواقع000من دون أي احساس لحقها

وكانت نظراتة كلها اعجاب بشخصية هذي البنت اللي ما عطتة أي اهتمام00ولحقها لين ما أطلعت

من السوق000وكان سايقها ينطرها000وماقدر يصبر ضاري أول تاكسي وقفة وركب وياه ولحق

هالبنت اللي خذت عقلة وشلة تفكيرة000لحقها بتكسي رغم أنة سيارتة كانت من أفخم

السيارات اللي كانت بالسوق000لكنة مايدري شنو اللي صارلة بالضبط000ذاك اليوم000حب

ضاري مشاعل من النظرة الأولى000حب عيونها000حب جسمها000حب جمالها000حب غرورها

حب كل شي فيها000أوقفت سيارة مشاعل جدام قصر كبير وأنزلت ودشت داخل القصر000

واهني نزل ضاري وراح يسأل عنها وعرف أنها مشاعل000بنت أكبر التجار اللي بالمنطقة000

رجع ضاري البيت وهو مو حاس بالدنيا حاس أنة تغير ويعيش دنيا غريبة وشي أول مرة يحس فية

حس أنة بدا يحب مشاعل000معقول الانسان المغرور اللي ما ملت عينة أي بنت يكون طاح بحب

مشاعل000دخل غرفتة000وقعد على الكرسي اللي يطل على الحديقة000وصار يشوفها وين ما

بطل عيونة شافها000 حتى بين الورد شافها مستحيل ينسى الوجة الملائكي اللي يسحر كل

شخص يشوفة000فهي مافارقتة لحظة وحدة من أول ما شافها000قعد يسترجع أول ما شافها

ويشوف الخصلة اللي نازلة على عينها وكانت الخصلة من شعرها الحريري الأسود الطويل000

وويها الطيب البريء000اللي تشوف فية كل طيبة العالم000وملامحها الناعمة000وبسمتها الساحرة

اللي تسحر كل من شافها000ماتفارق خيالة000باختصار كانت اية بالجمال000أخذ ضاري يفكر

فيها وماقدر ينام000وأول ماطلع الصبح راح عند بيتها000وقعد ينتظر خروجها من البيت000وأنتظر

4 ساعات000لين ما أطلعت 000وبدون شعور راح صوبها يحاول يكلمها000لكن صدتة000وأركبت

السيارة وراحت000وظل ضاري ينطرها كل يوم الصبح لمدة أسبوعين000لين ما جاء اليوم اللي

وقف جدامها وقالها000أنا أحبج000وأبي أتزوجج000ردت علية000 وقالتلة000 روح وماأبيك أتضايقني

مرة ثانية000رجع ضاري البيت حزين000 ومكسور الخاطر000وقرر أنة يكلم أبوة عشان يخطب

مشاعل000وراح وقال لأبوه000أبوة أستانس وايد000وفرح بقرار أولدة000لأنة كان دايم يقولة خلني

أزوجك000وكان ضاري يرفض000قالة أبوة أنت حاط عينك على وحدة000؟قالة00أي00الأبو00 منو00؟

جاوبة ضاري وقالة000مشاعل000وقالة عائلتها000أستانس الوالد000لأنها عائلة غنية مثلهم000

وخوش ناس000وكان يعرف أبو مشاعل لأنهم كانوا متشاركين بكذا مشروع000وراح أبو ضاري يتصل

على أبو مشاعل000وقالة أنة يبي يزورة ويكلمة بموضوع مهم000أخذ منة موعد000وراحوا ضاري

وأبوة000وقال أبو ضاري أنة يبي ضاري لبنتة مشاعل000أستانس أبو مشاعل ووافق بدون تردد لكن

قال باخذ راي البنت000وراح أرد لكم الخبر بعد أسبوع000وراح أبو مشاعل وقال لأم مشاعل الخبر

الأم أستانست وايد000لأن ضاري كان من عايلة كبيرة وأغنى منهم يعني ناس مو طمعانين فيهم

وراحوا ياخذون راي مشاعل000لكن مشاعل000قالت أنا ما أفكر بالزواج ألحين000حاولوا يقنعونها

الأم والأبو000لكن ماكو فايدة000وبعد ما أيسوا000قالوا لأبو ضاري أن البنت ماتبي تتزوج000

وأن ماكو نصيب000ووصل الخبر ل ضاري وطبعا صار مثل المينون000صار كلة سرحان000ماياكل

مايكلم أحد000راح البحر 000 ودش يسبح لين ماوصل بعيد000حاول ينتحر لكنة مسك أعصابة

باللحظة الأخيرة000وقام يصرخ بصوت عالي يمزق القلب ويدمع عين من يشوف حالتة جذي000

يصرخ ليش رفضتيني000أشلون أعيش بدونج000رجع للشاطء وبعدين راح البيت000ودخل غرفتة

وماطلع منها هذاك اليوم000واليوم الثاني راحة أمة عشان تشوف حالتة ليش صار فية جذي

شافتة نايم على ظهرة وعيونة على السقف وسرحان تكلمة بس مايرد عليها ونادت أبوة بس هم

ما رد على أبوة بعد وأتصلوا على طبيب000فشخص حالتة وقال000اهو عايش بصدمة ماتزول ألا

بزوال السبب000أتصل أبو ضاري برفيج ضاري عبدالله اللي يعتبرة ضاري أخوة اللي مايابوة أمة وأبوة

وكان صديقة الوحيد000والقريب لة000وأكثر من أمة وأبوة000وقالوا حق عبدالله قصة ضاري وأنة

مايتكلم قالهم خلوة علي000تكلم عبدالله لكن ضاري مارد علية000بس عبدالله قال أن مشاعل

مو أول ولا اخر بنت بالدنيا وأنت كل بنت تتمناك 000وأهنية أدمعت عين ضاري000فقرر عبدالله أنة

يسوي المستحيل عشان رفيج عمرة ضاري000وقرر000راح لبيت حنان عشان يشوفها000لكن000

صعبة أشلون000بس لازم أقولها يمكن قلبها يحن علية000حاول أن يكلم مشاعل بس ماقدر000

فكر وقرر000أنة يكتب رسالة وعطاها للسايق000وثاني يوم الصبح ياة رد على رسالتة من السايق

برسالة000تقول فيها أتمنى الشفاء العاجل ل ضاري000وأنا ماعندي أعتراض علية لكن000أنا مابي

أتزوج أحد000وما أفكر بالزواج كلش000قولة أنة ينساني000قرأ عبدالله الرسالة وحس انة أكو سر

ور هالبنت000واليوم الثاني راح عبدالله الجامعة اللي تدرس فيها مشاعل000وراح يدور مشاعل لين

لقاها دايم مع بنت نطر بعد الدوام لين راحت مشاعل بصوب والبنت بصوب000وعرف أنها رفيجتها

الخاصة000حاول يكلمها وبعد محاولات عديدة000قدر أنة يكلمها000وبعد ماقالها منو أهو وقصة

ضاري ويا رفيجتها مشاعل وأنة يبي يساعد رفيجة بي طريقة وأسم البنت كان نوال000فقال

عبدالله000ليش مشاعل ترفض الزواج000؟جاوبتة نوال والجواب كان صدمة ل عبدالله ومفاجأة000

لأنها قالت أنا السبب000قالها أشلون000؟قالت قبل سنتين000صارت لي قصة مثل قصة رفيجك

ضاري وحبين واحد000حب مامثلة لابالقصص ولا بالأفلام كان حب بكل ما تشيلة من معنى وفاء

وأخلاص وصدق وحنان وأمان ووله وشوق وكل شي بالدنيا شفتة من هذا الانسان000ولكن قبل

زواجنا بشهر000تغير حبيبي علي فجأة000أنقلب حبيبي الطيب الى وحش قاسي مايعرف الرحمة

قام يتعمد أنة يطلع مع بنات عشان يحرق قلبي ويتعبني ويعذبني000وقبل الزواج بأسبوع أختفى

وماشفتة من ذاك الوقت000وعلى السالفة هذيج مرضت000وكانت مشاعل تزورني كل يوم000

وكانت تقول أنها ماراح تتزوج طول عمرها000عشان مايصير لها اللي صارلي000ومن هذاك اليوم لي

اليوم وهي تشوف يوميا حلم مزعج وغريب000تشوف بالحلم زوج من الحمام000يقع ذكر الحمام00

بشبكة الصياد000وتأتي الأنثى وتنقذ الذكر000وينحاشون ويا بعض000ومرة ثانية تقع الأنثى في

شبكة الصياد000لكن الذكر مايرد لانقاها000ويروح وماتدري وين راح000ويمسك الصياد الأنثى

ويذبحها000تعجب عبدالله من حلمها الغريب000بعدين سأل نوال عن عنوان خطيبها اللي هجرها00

قالت دورت علية ومالقيتة يقولون غير عنوانة000قالها ماعليج عطيني عنوانة القديم وأنا ألقاة000

وأخذ العنوان وراح000كل ماسأل شخص شافة يقولة أنتقل وماندري وين راح000وبعد ماتعب من

السؤال عنة قرر أنة يرد000وهو بطريجة شاف شخص قال بسألة وبرد000ويوم سأل عنة000قالة

الشخص أنت ليش تسأل عن هالأنسان000قالة عبدالله أنت تعرف هالشخص000قالة أية000

عبدالله على طول قالة تكفى دلني على مكانة000قالة الرجل000أعتقد أنك ماتعرف هالشخص صح

قالة عبدالله000صح000قال الرجل000كنت أدري أنك ماتعرفة000!!!لأن الشخص اللي تسأل عنة

توفى قبل سنة0000!!!!!!!!!بعد صراع مع المرض دام 6 شهور000وكان راح يتزوج لو ما مات000

لكن يوم درى بمرضة000قام يخلق الأعذار عشان يتهرب من الزواج000وبدون مايقول لحطيبتة000

عشان ماتتعذب معاة لأنه كان يحبها وايد000مايبي تشوفة وهو ميت000تفاجأ عبدالله من القصة00

وأنصدم صدمة قوية000شنو يسوي ألحين000؟يقول حق نوال000؟ أن خطيبج ما أتركج لكن ماكان

يبيج تتعذبين بمرضة000خطيبج مات وهو يحبج000؟زادت حيرتة وماعرف شنو يسوي وبعد تفكير

لقى حل000كتب رسالة ل مشاعل0000وقال فيها000


كان هناك زوج من الحمام0000وقع الذكر في شبكة الصياد0000فقامت الأنثى بمساعدتة0000

لكي ينجو بحياتة0000وفي أحد الأيام وقعت الأنثى بشبكة الصياد0000وعندما أراد الذكر مساعدتها

أنقض علية صقر كبير000فأكلة0000وأنتظرت الحمامة الأنثى أن يأتي الذكر لمساعدتها0000

ولكنه لم يأتي0000وقص لها ما حدث لخطيب نوال0000

وأنة من كثر ما يحب نوال مايبيها تتعذب وياة000وتركها تعيش حياتها بدون دموع وحزن وعذاب000

وقالها أن ليلحين في حب صادق مثل حب ضاري لج0000

وفي اليوم الثاني راح وعطى السايق الرسالة عشان يوصلها ل مشاعل00000000000

وبعد مانطر 10 دقايق أطلعت مشاعل من البيت0000وبيدها الرسالة0000ويت صوب عبدالله اللي

كان ناطرها ومتأكد أنها بتكلمة0000وحلفتة أن اللي مكتوب صج000جاوبها بعد ما حلف أن كل شي

صج000ومن منو ياب المعلومات000وبعد فترة سكوت000قامت مشاعل بالبكي000على خطيب

نوال000وقالت ألحين تقدر تقول حق ضاري أنة يقدر يتقدم لي مرة ثانية وأنا راح أوافق000000

أستانس عبدالله0000وشوي ويطير من الوناسة000حس أن رفيجة أقصد أخوة بيستانس0000

وراح بسرعة لبيت ضاري عشان يقولة أجمل خبر بالدنيا00000000

دخل عبدالله بيت ضاري بعد ما أستأذن بالصعود لغرفة ضاري0000دخل عبدالله غرفة ضاري000

وهو يصارخ من الوناسة000قوم ياخوووي000قوم يامعرسنا000مشاعل وافقت عليك000

وتطلب منك أنك ترد وتتقدم لها مرة ثانية0000000لكن أشفية ضاري ما شفت ولا علامة وناسة

أو أي تعبير على وية ضاري0000 أشفيك ضاري000ليش مو مستانس0000!!!!

هناك شي غريب ل ضاري0000نايم على ظهرة ويطالع السقف0000وعلامات غريبة علية00000

أستغرب عبدالله0000من ردة فعل ضاري اللي ما رد علية بي تعبير000000!!!!!!!!!

ليش ضاري0000رد0000قولي شنو فيك0000ليش ماتكلمني0000أنا رفيجك وأخوك000000

رد علي0000مالي غيرك رفيج0000تذكر وأحنا صغار أشلون كنا نتنافس على الأول0000

تذكر منو كان يسجل أول قول للفريق0000تذكر من كان يمسح دمعة الثاني0000

تذكر أنك قلت لي ووعدتني أنك راح تصور وياي يوم عرسي وأنا وعدتك00000000

لاتخلف بوعدك ويالله قوم عن الغشمرة أنا أعرفك تحب ترفع ضغطي دايم000000 لاتخليني0000

مالي أحد غيرك منو بيساعدني بهمومي وبمشاكلي00000منو بيطلع وياي0000منو بضحك وياة00

لالالالا تكفى لالالالالالالالالالالا أبيك تقوم جدامي وأحظنك وأباركلك ياللللللللللللللللللللله00000

مشااااعل وافقت عليك يالله عن الدلع0000لكن ضاري0000أنتقلت روحة للسما0000قبل لحظات

من دخول عبدالله الغرفة00000وظلت عيونة على السقف00000لين ماسكرهم عبدالله وهو يبجي

بعد ماتسكرت قصة حبة ويا مشاعل وأنتهت بنهاية حزينة وتعيسة000000


فمن الحب ماقتل000000محب مات ولم يرد أن تتعذب حبيبتة
000000ومحب مات لكي تتعذب من أحبهابموتة

يعطيج الف الف عافيا وسبحان الله هالبنت شكلها ماراح تزوج او اهى قبسه على الريايل الله يرحمه ويرحم امواتنا واموات المسلمين